باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6232

۱∞؎آپ خیثمہ بن عبدالرحمن ابن ابی سبرہ جعفی ہیں،عظیم الشان تابعی ہیں،ایسے سخی تھے کہ آپ کو دو لاکھ روپیہ میراث میں ملے سب علماء پر خرچ کردیئے۔(مرقات)
۲؎یعنی میں اپنے وطن کوفہ سے مدینہ منورہ طلب علم کے لیے یا کوئی مسئلہ پوچھنے کے لیے آیا تو میں نے یہ دعا کی۔اس سے معلوم ہوا کہ طلب علم کے لیے سفر بزرگوں کی سنت ہے،جس شہر میں جائے وہاں کے بزرگوں سے ضرور ملے ورنہ وہاں کے مشہور مزارات پر حاضری دے کہ یہ بھی مقبولوں سے ملاقات ہے۔لاہور جاؤ تو حضور داتا صاحب قدس سرہ کے آستانہ پر حاضری دو،سرہند شریف سے گزرو تو حضور مجدد صاحب کے آستانہ پر ضرور حاضری دو،اجمیر شریف جاؤ تو خواجہ صاحب کے مزار پر انوار پر حاضری دو۔
۳؎یعنی اے صحابی رسول آپ کی ملاقات میری اس دعا کی مقبولیت کا اظہار ہے یہ ملاقات اتفاقی نہیں رب تعالٰی کا خاص عطیہ ہے۔معلوم ہوا کہ بزرگوں کی ملاقات اللہ کی نعمت ہے۔
۴؎یہاںخیرسے مراد علم باعمل ہے جسے قرآنی اصطلاح میں حکمت کہا جاتا ہے"وَمَنۡ یُّؤْتَ الْحِکْمَۃَ فَقَدْ اُوۡتِیَ خَیۡرًا كَثِیۡرًا"۔
۵؎مالک نام ہے ابی وقاص کا آپ سعد ابن ابی وقاص ہیں،آپ کے حالات اور مقبول الدعاء ہونے کی وجہ پہلے بیان ہوچکی ہے۔
۶؎یعنی کوفہ ہی میں حضرت عبداللہ ابن مسعود رہتے ہیں جو حضور انور صلی اللہ علیہ و سلم کے نعلین بردار اور وضوء کا لوٹا اٹھانے والے صحابی ہیں،جن کو اللہ یہ خدمت نصیب فرمائے سوچ لو وہ کیسے خوش نصیب اور کیسے شان والے ہوں گے۔
۷؎حضرت سلمان فارسی پہلے عیسائی بنے اور انجیل شریف پر عامل رہے،پھر مسلمان ہوکر قرآن کریم پر عمل کرتے رہے،آپ نے کسی کو اپنے والد کا نام نہیں بتایا جب پوچھا جاتا کہ آپ کے والد کون ہیں تو کہتے اسلام اور میں اسلام کا بچہ ہوں،ہمیشہ اپنے ہاتھ کی کمائی کھاتے رہے،آپ کی عمر اور آپ کے حالات پہلے بیان ہوچکے ہیں۔اس فرمان سے معلوم ہوتا ہے کہ حضرت سلمان نے عیسیٰ علیہ السلام سے ملاقات کی ہے۔(اشعہ)مگر یہ صحیح نہیں کیونکہ آپ کی عمر ساڑھے تین سو برس تھی اور حضرت عیسیٰ علیہ السلام حضور انور سے پانچ سو ستر سال پہلے ہوئے۔