باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6210

۱∞؎آپ مشہور تابعی ہیں،زاہد متقی بصری ہیں،انہیں حجاج ابن یوسف نے باندھ کر شہید کیا،بہت صحابہ سے ملاقات ہے۔
۲؎یعنی میں مسجد نبوی صلی الله علیہ و سلم میں بیٹھا تھا کہ ایک صاحب جن کے چہرے پر خشوع خضوع خوفِ الٰہی کے آثار تھے آئے۔ خیال رہے کہ عجزونیاز دلی ہوتا ہے مگر اس کا اثر چہرے پر نمودار ہوتا ہے،رب فرماتاہے:"سِیۡمَاهُمْ فِیۡ وُجُوۡهِهِمْ مِّنْ اَثَرِ السُّجُوۡدِ"وہاں سجدہ کے اثر سے مراد پیشانی کا داغ نہیں بلکہ چہرے کا نور ہے جو کثرت سجود خصوصًا تہجد کی وجہ سے نمودار ہوتا ہے؎بندہ مؤمن کی پیشانی کا نور کب چھپا رہتا ہے پیش ذی شعور
اسی لیے آیت میںفی وجوھہمفرمایافی جباھھمنہ کہا داغ صرف پیشانی میں ہوا ہے مگر نور پورے چہرے میں۔
۳؎آپ کا یہ کلام انتہائی عجز و نیاز پر مبنی ہے ورنہ صحابہ کرام ان کا جتنی ہونا یقین سے جانتے تھے کہ جس زبان پاک سے انہوں نے قرآن پاک سنا اسی سے یہ سنا تھا کہ عبدالله ابن سلام جنتی ہیں جیسے قرآن یقینی ہے ایسے ہی حضور کے سارے فرمان یقینی ہیں،اس زبان سے جھوٹ کبھی نہیں نکلتا،سونے کی کان سے لوہا نہیں نکل سکتا حضور کی زبان سے جھوٹ نہیں نکل سکتا صلی الله علیہ وسلم۔یہ فرق ہے ہمارے اور صحابہ کرام کے ایمان و اعمال میں کہ ان حضرات کے ایمان و اعمال رجسٹری شدہ ہیں۔ہمارے ایمان و اعمال کی خبر نہیں قبول ہیں یا نہیں،ہم مؤمن مریں گے یا کافر،الله تعالٰی ان کے صدقے سے ہمیں ایمان پر خاتمہ نصیب کرے۔آمین! یا اس کلام کا منشا یہ ہے کہ اے قیس یہ لوگ جو مجھے جنتی کہہ رہے ہیں صرف اپنی رائے سے نہیں کہتے بلکہ حضور صلی الله علیہ و سلم کے فرمان سے کہتے ہیں،یہ سچے ہیں پھر آپ نے اگلا واقعہ بیان فرمایا،یہ مطلب حضرت شیخ نے اشعۃ اللمعات میں بیان کیا۔خیال رہے کہ کسی کے متعلق لوگوں کے منہ سے نکلنا کہ یہ ولی ہے یہ جنتی ہے اس کے جنتی ہونے کی علامت ہے۔ حضور فرماتے ہیںانتم شھداء الله فی الارض،رب فرماتاہے:"لِتَکُوۡنُوۡا شُھَدَآءَ عَلَی النَّاسِ"حضور غوث پاک خواجہ اجمیری داتا ہجویری یقینی جنتی ہیں کیسے معلوم ہوا مؤمنوں کی گواہی سے۔
۴؎یہ بیان ہے اس چیز کا جس کی وجہ سے لوگ حضرت عبدالله کو جنتی کہہ رہے تھے۔خیال رہے کہ جس خواب کی تصدیق و تعبیر پیغمبر کی طرف ہوجاوے وہ خواب وحی الٰہی کی طرح یقینی ہوتی ہے خواہ کسی کی خواب ہو۔چنانچہ اسلامی اذان حضرات صحابہ کرام کی خواب سے جاری کی گئی کیونکہ حضور انور نے اس کی تائید فرمادی،دو کافر قیدیوں کی خواب کی تعبیر حضرت یوسف علیہ السلام نے دے دی تو وہ ہوکر رہی"قُضِیَ الۡاَمْرُ الَّذِیۡ فِیۡهِ تَسْتَفْتِیَانِ"۔
۵؎عروہ کے بہت معنی ہیں حلقہ،گرہ دستہ غرضکہ پکڑنے کی ہر چیز کو عروہ کہا جاتا ہے،رب فرماتاہے:"فَقَدِ اسْتَمْسَكَ بِالْعُرْوَۃِ الْوُثْقٰی"۔
۶؎منصفمیم کے کسرہ سے ص کے فتح سے،بنا ہےنصف نصفۃسے بمعنیخدم خدمۃ،اس کے معنی ہیں خدمت گار ملازم۔
۷؎یعنی اس نے جوں ہی میرا پیچھے سے کرتا اٹھایا میں خود ہی اس ستون کے کنارے پر پہنچ گیا اور وہ کڑا یا دستہ میں نے مضبوطی سے تھام لیا۔
۸؎حضور صلی الله علیہ و سلم صحابہ سے ان کی خوابیں سنا کرتے تھے تعبیر بھی خود ہی دیاکرتے تھے بلکہ کبھی اپنی خواب شریف بھی بیان فرماتے تھے مع تعبیر کے اس لیے حضرات صحابہ اپنی خوابیں حضور پر پیش فرماتے تھے یہ واقعہ اسی سلسلہ کی ایک کڑی ہے۔
۹؎یعنی یہ ستون جو تم نے باغ کے درمیان دیکھا یہ اسلام کا ستون ہے جس پر اسلام قائم ہے اور جو مسلمان بننے کا مدار ہے۔
۱۰؎اسےعروہ وثقیاس لیے فرمایا کہ اس کے ٹوٹ جانے کا خطرہ نہیں۔وثقیمونث ہےاوثقکا جس کا مصدروثوقہےبمعنی پختگی و مضبوطی۔
۱۱∞؎یعنی وہ دستہ وگرہ بھی مضبوط ہے اور تمہارا پکڑنا بھی مضبوط،ان شاءاللهایمان پر جیو گے ایمان پر مرو گے،حضور کے اس فرمان سے حضرت عبدالله کے ایمان کی رجسٹری ہوگئی۔