باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6208

۱∞؎حضرت ام سلیم حضرت انس کی والدہ ہیں،اپنے فرزند حضرت انس کو لڑکپن میں حضور کی خدمت کے لیے وقف کر دیا تھا، حضرت انس حضور ہی کے پاس رہتے تھے۔
۲؎یہ آخری کلمہ بہت ہی جامع ہے یعنی مال،اولاد،ایمان،عزت و آبرو جو بھی تو انہیں عطا فرمائے اس میں برکت دے، برکت اور کثرت کا فرق ہم پہلے بیان کرچکے ہیں۔
۳؎چنانچہ حضرت انس مدینہ منورہ کے بڑے مالداروں میں سے تھے الله تعالٰی نے انہیں مالی کثرت برکت دونوں عطا فرمائی تھیں۔(مرقات)
۴؎امام ابن حجر نے شرح شمائل شریف میں فرمایا کہ حضرت انس کی مذکر اولاد ایک سو پچیس ہوئی جو آپ نے اپنی آنکھوں سے دیکھی یعنی بیٹے پوتے نواسے وغیرہم اور آپ کے باغ میں سال میں دوبار پھل آتا تھا۔(مرقات)خیال رہے کہ حضرت انس ابن مالک ابن نضر خزرجی کی کنیت ابوحمزہ ہے،دس سال کی عمر میں حضور کی خدمت میں حاضر ہوئے، خلافت فاروقی میں بصرہ میں تبلیغ دین کے لیے رہے، ۹۱ھ؁ ∞ اکیانوے میں وفات پائی،ایک سو تین سال کی عمر ہوئی۔ اس حدیث سے معلوم ہوا کہ مال کی کثرت و برکت الله کی نعمت ہے جب کہ اس کے فتنہ سے محفوط رہے اس زمانہ میں علماء کو رب فاسق امیروں سے غنی فرما دے۔