باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6211

۱∞؎آپ انصاری خزرجی ہیں، ۱۲ھ؁ ∞بارہ جنگ یمامہ میں شہید ہوئے۔خطیببمعنی فصیح تاریخ دان عالم انساب ہے۔
۲؎تمام سلاطین و حکام اپنے آداب مجلس خود بناتے ہیں مگر حضور صلی الله علیہ و سلم وہ سلطان کونین ہیں جن کے آداب دربار خود رب تعالٰی نے بنائے اور انسانوں کے علاوہ دوسری مخلوقات پر بھی جاری فرمائے۔یہ آیت کریمہ اسی سلسلہ کی ایک کڑی ہے جس میں حضور کے آستانہ عالیہ میں عرض و معروض کرنے کا طریقہ سکھایا جارہا ہے۔خیال رہے کہ یہاں گفتگو کا ذکر ہے کہ دوران گفتگو میں کسی کی آواز حضور کی آواز سے اونچی نہ ہو اس سے اذان وغیرہ دوسرے موقعہ مستثنٰی ہیں وہ تو بلند آواز سے ہی ہوں گے۔
۳؎یعنی شرم کی وجہ سے بارگاہ عالی میں حاضر نہ ہوئے کہ میں تو بارہا وہاں اونچی آواز سے بول چکا ہوں میرے اعمال ضبط ہوچکے اب کس منہ سے حاضر ہوؤں،یہ غیرت قوت ایمان کی علامت ہے۔
۴؎حضرت سعد ابن معاذ جناب ثابت کے پڑوسی اور ان کی قوم سے تھے انہیں ثابت کے حالات کی زیادہ خبر ہونی چاہیے تھی اس لیے حضور نے آپ سے پوچھا۔خیال رہے کہ سعد ابن معاذ ۵ھ؁ ∞میں وفات پا گئے اور سورۂ حجرات ۹ ہجری میں نازل ہوئی تو یہ واقعہ کیونکر درست ہوا لہذا حق یہ ہے کہ اس سورت کی اگلی آیات"لَا تُقَدِّمُوۡا بَیۡنَ یَدَیِ اللهِ وَ رَسُوۡلِہٖ"بعد میں نازل ہوئیں"لَا تَرْفَعُوۡۤا اَصْوَاتَکُمْ"پہلے نازل ہوچکی تھی۔(مرقات)
۵؎یعنی اس آیت کریمہ کے حکم سے میں دوزخی ہوں تو اس جنتیوں کے بادشاہ عالم پناہ کی بارگاہ میں کس منہ سے جاؤں، نار نور کے پاس کیسے جائے یہ ہے انتہائی خوفِ الٰہی کیونکہ اس آیت کریمہ میں بے ادبی سے اونچی آواز سے بولنا مراد ہے جو چیخ کر بولنے کا عادی ہو وہ مراد نہیں،حضور کی بے ادبی کفر ہے اور کفر آگ کا موجب ہے۔(مرقات)
۶؎یعنی اس خوف کی وجہ سے ان کے ایمان کی رجسٹری ہوگئی کہ انہوں نے انتہائی خوف سے اپنے آپ کو اس آیت کی زد میں محسوس کیا۔سبحان الله!حضرت ثابت ابن قیس کی شہادت یوں ہوئی کہ غزوہ یمامہ میں جو مسیلمہ کذاب کے مقابل خلافت صدیقی ۱۲ھ؁ ∞میں ہوا جہاد کے وقت آپ نے کفن پہنا،خوشبو ملی،پھر میدان جنگ میں داخل ہوئے اعلٰی درجہ کا جہاد کیا اور شہید ہوئے رضی الله عنہ۔(مرقات)حضور کے فرمان کا یوں ظہور ہوا۔