باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6216

۱∞؎یعنی انصار سے وہ ہی محبت کرے گا جو کامل مؤمن ہوگا اور انصار سے بغض وہ ہی رکھے گا جو اعتقادی یا عملی منافق ہو گا،ایمان دل میں ہے مگر اس کی علامات ظاہری جسم میں موجود ہیں۔
۲؎یہ کلمات دعا اور بدعا کے ہیں یعنی اے الله انصار کے محبین سے تو محبت فرما اور انصار کے دشمنوں سے تو دشمنی فرما۔ اس سے روافض زمانہ عبرت حاصل کریں۔خیال رہے کہ یہاں دینی محبت و عداوت مراد ہے،خیال رہے کہ انصار کا نام پہلے ابناء قبلہ تھا،قبلہ ان کی مورث اعلٰی تھیں جن میں اوس و خزرج دونوں جمع ہوجاتے حضور انورصلی اللہ علیہ و سلم نے ان کا نام انصار رکھا رب تعالٰی کو یہ نام قبول ہوا اس نے بھی انہیں اسی نام سے یاد فرمایا"مِنَ الْمُہٰجِرِیۡنَ وَالۡاَنۡصَارِ"جیسے مدینہ منورہ کا نام پہلے یثرب تھا حضور نے اس کا نام مدینہ رکھا قرآن مجید نے بھی اسے مدینہ ہی فرمایا۔