باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6202

۱∞؎یعنی اگر ان چھ فقراء ومساکین کے ہوتے ہوئے ہم آپ پر ایمان لے آئیں تو ان کو ہم سے برابر ہمسری کرنے کی جرأت ہو جائے گی لہذا پہلے ان لوگوں کو اپنے سے ہٹا دیں پھر ہم آپ کی مجلس میں حاضر ہوں گے آپ کا کلام سنیں گے، اگر دل نے مانا تو اسلام قبول کرلیں گے۔
۲؎غالبًا وہ حضرات حضرت خباب اور عمارہ ہیں کسی مصلحت سے ان کا نام نہیں لیا۔خیال رہے کہ حضرت خباب ابن ارت تمیمی ہیں،حضور کے دار ارقم میں جانے سے پہلے اسلام لائے،الله کی راہ میں بہت ستائے گئے آخر میں کوفہ میں رہے،وہاں ہی وفات پائی، ۳۷؁ ∞میں تہتّر سال عمر ہوئی۔(مرقات)
۳؎یعنی آپ کے دل میں خیال گزرا کہ ایک خاص وقت ان سرداروں کے لیے خاص کردیا جائے کہ اس وقت کوئی مسکین موجود نہ ہو اور سرداروں کو تبلیغ کی جاوے۔ممکن ہے کہ یہ مسلمان ہوجاویں اسلام قبول کرلینے پر ان کے دل سے تکبروغرور نکل جائے گا یہ خیال کوئی برا نہ تھا بلکہ تبلیغ اسلام کے لیے تھا۔
۴؎یعنی اے محبوب ان مساکین غرباء کو اپنی کسی مجلس سے علیحدہ نہ کرو ہر وقت انہیں حاضری کی اجازت دو یہ لوگ دن رات یعنی ہمیشہ مجھے یاد کرتے ہیں دنیاوی لالچ سے نہیں بلکہ صرف میری رضا کے لیے۔اس فرمان عالی میں ان بزرگوں کے ایمان، اخلاص،تقویٰ و طہارت کی گواہی دی گئی۔خیال رہے کہ لفظ مرید یہاں سے ہی لیا گیا ہے یعنی الله کی رضا کا ارادہ کرنے والا،یریدون وجھہسے لفظ مرید مشتق ہے۔