باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6214

۱∞؎یہ واقعہ صلح حدیبیہ کے بعد اور فتح مکہ سے پہلے کا ہے جب کہ ابوسفیان مسلمان نہیں ہوئے تھے مگر صلح ہوجانے کی وجہ سے مدینہ منورہ آیا جایا کرتے تھے کیونکہ وہاں ان کی دختر حضرت ام حبیبہ حضور صلی الله علیہ و سلم کی زوجہ تھیں۔(مرقات،اشعہ)
۲؎یعنی اب تک اتنے جہاد ہوئے مگر ہماری تلواروں نے ابو سفیان کی گردن نہ کاٹی الله کی تلواروں سے مراد غازی مجاہدوں کی تلواریں ہیں جو راهِ الٰہی میں چلتی تھیں۔دشمن خدا سے مراد ابوسفیان ہیں کیونکہ اس وقت تک وہ کافر تھے۔
۳؎یعنی ابوسفیان قرشی ہیں اور قرشیوں کے سردار ہیں اور ہمارے مدینہ میں امان سے آئے ہوئے ہیں تم ان کے لیے ایسے سخت لفظ بول رہے ہو ایسا نہ ہو کہ پھر ان سے جنگ چھڑ جائے آپ کا یہ فرمان نہایت ہی نیک نیتی پر مبنی تھا۔
۴؎یعنی عرض کیا کہ یارسول الله ان حضرات نے ابوسفیان سے یہ کہا تھا میں نے یہ کہا مگر میری نیت نیک تھی من وعن سب کچھ عرض کردیا۔
۵؎یعنی اے ابوبکر نیت تمہاری بالکل درست ہے مگر اس میں ایک کافر کی حمایت کی اور مؤمنوں کی تادیب کی مہک آرہی ہے ممکن ہے کہ اس وجہ سے ان حضرات کے دلوں کو صدمہ پہنچا ہو۔اس سے معلوم ہوا کہ الله تعالٰی اور حضور صلی الله علیہ و سلم کی خوشنودی مساکین و غربا خصوصًا مساکین صحابہ کی رضا خوشنودی میں ہے،اس کی ناراضی ان حضرات کی ناراضی میں ہے؎دلا خوش باش کان سلطان دین را بدر ویشاں ومسکیناں سرے ہست
۶؎عرب میںیغفر الله لكاظہار خوشی کے لیے کہتے ہیں وہ ہی محاورہ یہاں استعمال ہوا ہے،رب فرماتاہے:"عَفَا اللهُ عَنۡكَ لِمَ اَذِنۡتَ لَهُمْ"۔اس سے معلوم ہوا کہ دنیاوی رنجشیں بہت جلد دور کرلینی چاہئیں،جس سے شکایت ہو اس سے براہ راست مل کر صفائی کرلینی چاہیے۔آج مسلمان اس سبق کو بھول گئے اسی وجہ سے انکی آپس کی رنجشیں ختم نہیں ہوتیں۔