باب: منقبتوں کا مجموعہ - مرآۃ المناجیح شرح مشکوٰۃ المصابیح - حدیث نمبر: 6219

۱∞؎آپ کا نام ابوسفیان ابن صخر ابن حرب ہے،اموی قرشی ہیں،واقعہ فیل سے دس سال پہلے پیدا ہوئے،فتح مکہ کے دن اسلام لائے، غزوہ حنین میں شریک ہوئے،طائف کے غزوہ میں آپ کی ایک آنکھ شہید ہوئی،غزوہ یرموک میں دوسری آنکھ بھی شہید ہوگئی، ۳۴ھ؁ ∞میں مدینہ منورہ میں وفات ہوئی،بقیع شریف میں دفن ہوئے۔(اکمال،مرقات)
۲؎یعنی جو بھی ہتھیار جنگ ڈال دے اپنے کو غیرمسلح کرلے اس کا بھی خون معاف ہے اسے امان ہے۔
۳؎انصار کا حضور انور کوالرجلکہنا توہین کے لیے نہیں یہ لفظ عظمت و توقیر کے لیے بھی بولا جاتا ہے،فرشتے قبر میں حضور انور صلی الله علیہ و سلم کا جمال جہاں آرا دکھاکر پوچھتے ہیںما کنت تقول فی حق ھذا الرجلوہاں بھیالرجلتعظیم کے لیے ہے، ہاں اہانت یا برابری کے لیے حضور انور کورجلکہنا کفر ہے۔لہذا فقہاء کرام کا فرمان کہ حضور انور کورجلیارجیلکہنا کفر ہے بالکل درست ہے کہ وہاں توہین یا برابری کے دعویٰ کے لیے کہنا مراد ہے۔انصار نے جب یہ دیکھا کہ ابو سفیان،ہندہ،عکرمہ ابن ابوجہل کو معافی دے دی بلکہ ان پر انعام و اکرام کے دروازے کھول دیئے تب وہ سمجھے کہ شاید اب حضور انور مکہ معظمہ میں رہائش اختیار فرمالیں گے ہمارا مدینہ ویران ہوجاوے گا،وہ حضرات سمجھے کہ حضور کے عطیے اہل مکہ کی محبت کی بنا ء پر ہیں،جب حضور صلی اللہ علیہ و سلم کو اہل مکہ سے اتنی محبت ہے تو لا محالہ خود مکہ معظمہ سے بھی محبت ہے،پھر آپ مکہ معظمہ کو اب کیوں چھوڑیں گے۔
۴؎یعنی رب تعالٰی نے اپنے محبوب سے بذریعہ وحی فرمایا کہ آج فتح مکہ کی سب کو خوشی ہے انصار غمگین ہیں آپ کے فراق کے اندیشہ سے ان کا اندیشہ دور فرمایئے انہیں بھی خوش کیجئے۔
۵؎یعنی میں نے ان لوگوں کو یہ عطیے اس وجہ سے نہیں دیئے ہیں کہ مجھے تمہارے مقابلہ میں ان سے زیادہ محبت ہوگئی اور میں تم کو چھوڑکر ان میں آن بسوں گا بلکہ ان پر عطایا کی بارش انہیں اسلام پر پختہ کرنے کے لیے ہے۔
۶؎یعنی ہم الله کے بندے الله کے رسول ہیں اور رسول کے ہر کام میں استقامت ہوتی ہے ہم نے جو قدم اٹھایا وہ پیچھے نہ ہٹے گا ہم مہاجر بن کرغیر مہاجر نہ بنیں گے۔
۷؎یعنی خاطر جمع رکھو اب میں اپنی زندگی اور موت میں تم کو نہیں چھوڑوں گا ہم تم ہی میں جئیں گے اور تم میں وفات پائیں گے۔
۸؎یعنی یارسول الله ہم لوگ آپ پر بہت بخیل ہیں ہم نہیں چاہتے کہ آپ ہم کو چھوڑ کر اور جگہ رہیں؎نیناں میں جو آن بسو تو نیناں جھانپ ہی لوں ناہیں میں دیکھوں اور کو نا توئے دیکھن دوںسبحان الله!حضرات انصار مال کے ایسے سخی کہ انہوں نے اپنا سب کچھ حضور انور پر نچھاور کردیا مگر حضور پر ایسے بخیل کہ ذرا سی جدائی کی تاب نہیں اس بخل پر لاکھوں سخاوتیں نثار ہوں،یہ بخل عین عبادت بلکہ روح عبادات بلکہ جان ایمان ہے۔
۹؎یعنی میں تم کو سچا اور محبت کا پکا مانتا ہوں میرا تم کو صادق جاننا رب تعالٰی کا جاننا ہے لہذا الله رسول تم کو سچا جانتے ہیں۔اس سے معلوم ہوا کہ الله رسول کے لیے ایک ضمیر تثنیہ لانا بالکل جائز ہے۔