باب:قرآن کے فضائل کا بیان - مرآۃ المناجیح شرح مشکوٰۃ المصابیح - حدیث نمبر: 2148

۱∞؎حدیث بالکل ظاہرمعنی پر ہے واقعی رب تعالٰی نے یہ سورتیں پڑھیں،فرشتوں نے بلاواسطہ سنیں اب رب تعالٰی کی تلاوت کی نوعیت ہماری عقل سے وراءہے اس طرح قرأت کی جو اس کی شان کے لائق ہے۔مرقات نے فرمایا کہیٰسٓاورطٰہٓحضور انورصلی اللہ علیہ و سلم کے نام شریف ہیں،چونکہ ان سورتوں کی ابتداءحضور انورصلی اللہ علیہ و سلم کے نام سے ہوئی اس لیے یہ سوتیں بہت عظمت والی ہیں اسی وجہ سے رب تعالٰی نے فرشتوں کو سنائیں۔معلوم ہوا کہ نعت کی سورتیں،آیتیں رب تعالٰی کو بڑی پیاری ہیں۔ اس حدیث سے معلوم ہوا کہ فرشتوں کی پیدائش زمین و آسمان کی پیدائش سے پہلے ہے۔
۲؎طوبی جنت کا ایک درخت بھی ہے جس کی شاخیں جنت کے ہرمحل میں ہیں اور بمعنی خوشخبری بھی یہاں دونوں معنے بن سکتے ہیں یعنی ساری امت محمدیہ عمومًا اور ان سورتوں کے حافظ وقاری خصوصًادرخت طوبی کے مالک ہیں یا انہیں خصوصی خوشخبری ہے یہ لوگ بڑے خوش نصب ہیں۔