باب:کھانوں کا بیان - مرآۃ المناجیح شرح مشکوٰۃ المصابیح - حدیث نمبر: 4222

۱∞؎آپ کا نام فاختہ یا ہند ہے،ابو طالب کی بیٹی حضرت علی رضی الله عنہ کی بہن ہیں،زمانہ جاہلیت میں آپ کا نکاح ہبیرہ ابن وہب سے ہوا،آپ مسلمان ہوگئیں، ہبیرہ نے اسلام قبول نہ کیا اس لیے علیحدگی کردی گئی۔حضور انور صلی الله علیہ وسلم نے آپ کو نکاح کا پیغام دیا مگر آپ نے یہ معذرت کی کہ میں بہت بچوں والی بی بی ہوں حضورصلی الله علیہ وسلم کی خدمت کما حقہ نہ کرسکوں گی حضور صلی الله علیہ وسلم کو مجھ سے بجائے آرام کے تکلیف ہوگی،آپ بہت احادیث کی راویہ ہیں۔
۲؎یعنی یہ دو حقیر سی چیزیں میرے پاس ہیں جو آپ کی خدمت میں پیش کرنے کے لائق نہیں۔یابسسے مراد ہے سوکھی ہوئی روٹی چند روز کی ہوجس کا چبانا مشکل ہو۔
۳؎ہمراہ ہی کھائیں گے۔
بوریا ممنون خواب را حتش تاج کسریٰ زیر پائے امتش
۴؎قفرکے معنی ہیں خالی ہونا اس لیے چٹیل میدان کاقفارکہتے ہیں جو سبزہ سے خالی ہو۔اس سے معلوم ہوا کہ آدمی اعلیٰ درجہ پر پہنچ کر بھی معمولی غذاؤں سے نفرت نہ کرے اپنی عادت سیدھی سادی رکھے سادہ زندگی گزارنے کا عادی رہے۔