با ب :بیمار پرسی اور بیماری کے ثواب کا بیان - مرآۃ المناجیح شرح مشکوٰۃ المصابیح - حدیث نمبر: 1538

۱∞؎تُوعَك وَعكٌسے بنا،بمعنی بخار کی گرمی اور تکلیف۔اس جملہ سےمعلوم ہوا کہ غلام آقاکی مزاج پرسی بھی کرے اور اس کےجسم کو ہاتھ بھی لگائے۔خیال رہے کہ بخارمرضِ انبیاء ہے،ہمارے نبی کریم صلی الله علیہ وسلم کی وفات بخار ہی سے ہوئی۔۲؎یہ ہے صحابہ کا ادب و احترام،یعنی یارسول الله صلی الله علیہ وسلم یہ تو وہم بھی نہیں کیا جاسکتا کہ آپ کی بیماری خطاؤں کی معافی کے لیے ہو،آپ کو گناہ و خطا سے نسبت ہی کیا،آپ کی بیماری صرف بلندیٔ درجات کے لیے ہوسکتی ہے۔اس سے معلوم ہوا کہ جن چیزوں سے ہم گنہگاروں کے گناہ معاف ہوتے ہیں ان سے نیک کاروں کے درجے بڑھتے ہیں۔۳؎مسلمان سے مراد گنہگارمسلمان ہے۔بے گناہ مسلمان جیسے ابوبکرصدیق وغیرہم اور ناسمجھ بچے اس حکم سے علیحدہ ہیں،ان کے درجے بلند ہوں گے۔اس جملہ سے معلوم ہوا کہ لفظ مسلم اور مؤمن میں حضورصلی الله علیہ وسلم داخل نہیں ہوا کرتے،یہ الفاظ تو حضور صلی الله علیہ وسلم کی امت کے لیے ہیں،حضور صلی الله علیہ وسلم توعین ایمان ہیں،ہم نے اپنی "تفسیرنعیمی"پہلے پارے میں ثابت کیا ہے کہ قرآن کریم میں"یٰۤاَیُّہَا الَّذِیۡنَ اٰمَنُوۡۤا"میں امت سے خطاب ہوتا ہے جس میں حضور صلی الله علیہ وسلم داخل نہیں ہوتے۔