باب: دل کو نرم کردینے والی باتوں کا بیان - مرآۃ المناجیح شرح مشکوٰۃ المصابیح - حدیث نمبر: 5188

۱∞؎اس وقت جسم اطہر پر قمیض بھی نہ تھی صرف تہبند مبارک زیب تن فرمائے ننگی چٹائی پر آرام فرمایا تھا۔شعر
بوریا ممنون خواب راحتش تاج کسرٰی زیر پائے امتش
۲؎یہاںلوشرط کے لیے نہیں بلکہ تمنا اور آرزو کے لیے ہے یعنی کاش کہ حضور ہم غلاموں کو اجازت دے دیتے تو ہم ہر قسم کے آرام کا انتظام حضور کے لیے کردیتے۔اعلٰی لباس،بہترین نرم بستر حضور صلی الله علیہ وسلم کی یہ سادگی ہم غلاموں سے دیکھی نہیں جاتی۔
۳؎یعنی جیسے یہ سوار اتنی دیر آرام کے لیے اپنا بستر وغیرہ نہیں کھولتا بلکہ زمین پر ہی لیٹ کر دھوپ ڈھل جانے پر چل دیتا ہے ایسے ہی ہمارا حال ہے کہ ہم کونین کے مالک ہیں مگر اپنے لیے کچھ نہیں رکھتے۔لہذا حدیث کا مطلب یہ نہیں کہ حضور انور صلی الله علیہ وسلم نے پردہ فرمانے کے بعد دنیا کو اور اپنی امت کو چھوڑ دیا،ان سب سے بے تعلق ہوگئے،اگر حضور صلی الله علیہ وسلم ہم کو چھوڑ دیں تو ہم ہلاک ہوجائیں،سورج دنیا کو چھوڑ دے تو دنیا اندھیری ہوجاوے،روح بدن کو چھوڑ دے توبدن مر جاوے،جڑ درخت کو چھوڑ دے تو درخت سوکھ جاوے،اگر حضور صلی الله علیہ وسلم دنیا کو چھوڑ دیں تو کوئی اﷲاﷲکہنے والا نہ رہے۔