باب:جہاد کا بیان - مرآۃ المناجیح شرح مشکوٰۃ المصابیح - حدیث نمبر: 3843

۱∞؎یعنی ابھی تو اسلامی ممالک کا رقبہ بہت محدودہے،عنقریب وقت آنے والا ہے کہﷲتعالٰی مسلمانوں کو بہت بڑے بڑے ملک عطا فرمائے گا،اسلامی ممالک بہت ہوجائیں گے تو خلیفۃ المسلمین ہر ملک کے لیے علیٰحدہ علیٰحدہ یا فوجیں مقرر فرمائے گا تاکہ ہر جگہ کفار کا مقابلہ ہوتا رہے جس قدر ملک وسیع ہوتا ہے اسی قدر فوج زیادہ رکھنی پڑتی ہے،یہ غیبی خبر ہے جوﷲکے رسول صلی اللہ علیہ و سلم نے دی اور عہدِ فاروقی سے اس کا ظہور شروع ہوا۔
۲؎یعنی سلطان اسلام بڑے لشکر کے مختلف حصے کرکے علیٰحدہ علیٰحدہ ممالک میں بھیجے گا۔جنودسے مراد بڑے بڑے لشکر ہیں اور جو ہیڈکوارٹروں میں رہیں اوربعوثسے مراد چھوٹی چھوٹی فوجیں ہیں جو الگ الگ سرحدوں پر حفاظت کے لیے مقرر کی جائیں۔
۳؎یعنی اس زمانہ میں عمومًا مسلمان فی سبیلﷲجہاد پر تیار ہوں گے مگر خال خال کوئی آدمی بغیر اجرت لیے جہاد میں جانے پر آمادہ نہ ہوں گے۔بعث سے مراد بلا اجرت جہاد میں بھیجا جانا ہے۔الرجلفرماکر بتایا کہ یہ مزدوری لینے کا شوق خال خال کسی میں ہوگا۔
۴؎اس لیے بھاگے گا کہ اسے بغیر اجرت جہاد میں نہ جانا پڑے۔
۵؎یعنی یہاں سے بھاگ جانے کے بعد مختلف قبیلوں خاندانوں میں پھرے گا ان سے ملے گا،کیوں،اجرت و مزدوری کی تلاش کے لیے۔
۶؎یعنی لوگوں سے یہ کہتا پھرے کہ کون مجھے سامان جہاد اور مزدوری دیدے تو میں اس کی طرف سے جہاد کروں وہ آرام کرے مجھے روپیہ دے کر اپنی طرف سے جہاد میں بھیج دے۔
۷؎یعنی ایسا شخص جسے جہاد سے کوئی رغبت نہ ہو صرف مال پر نظر ہو اور جہاد میں شرکت کو صرف مال حاصل کرنے کا ذریعہ بنائے اسے جہاد کا کوئی ثواب نہ ملے گا،یہ آخر دم تک صرف مزدور رہے گا غازی فی سبیلﷲنہ ہوگا اور نہ جہاد کے ثواب کا مستحق ہوگا۔یہ حدیث امام اعظم کی دلیل ہے کہ جہاد پر اجرت دینی لینی جائز ہے کیونکہ مزدور کو حضور نے گنہگار نہ فرمایا ثواب سے محروم فرمایا وہ بھی اس لیے کہ اس کا مقصود صرف مال تھا،نیز مال دینے والے کو بھی گنہگار نہ فرمایا بلکہ اسے ثواب جہاد پانے والا قرار دیا کہ ثواب سے محروم صرف مزدور کو بتایا نہ کہ مال دینے والے کو۔ذالكمبتدا ہے اورالاجیراس کی خبر۔