باب:جہاد کی فرضیت کابیان - فیضان ریاض الصالحین - حدیث نمبر: 1347

ثَنِيَّةُ الْوَدَاعکی وجہِ تسمیہ:عَلَّامَہ سِرَاجُ الدِّین عُمَر بِنْ عَلِیاِبْنِِ مُلَقَّنرَحْمَۃُ اﷲ تَعَالٰی عَلَیْہمذکورہ حدیث کی شرح میں فرماتے ہیں: ”جہاد اور سفرِ حج سے واپس آنے والوں کا خوشی اور فرحت کے ساتھ استقبال کرنا بھلائی کا ایک کام اور نیکی کی ایک قسم ہے اور اس حدیث میں مجاہدین اور حجاج کو رخصت کرنے کا ثبوت بھی ہےکیونکہثَنِيَّةُ الْوَدَاعکو اس نام سے پکارنے کی وجہ یہ ہے کہ لوگ حجاج اور مجاہدین کو اس گھاٹی تک رخصت کرنے کےلیے آتے تھےاور واپسی پربھی بڑے اور بچے یہاں آکر مجاہدین و حجاج کا استقبال کرتے ۔“مدنی گلدستہ’’ مدینہ‘‘کے5حروف کی نسبت سے احادیثِ مذکورہ اور ان کی وضاحت سے ملنے والے5مدنی پھول
(1) جہاد کی نیت سے زمین میں گھومنا پھرنا مستحسن ہے۔
(2) جہاد اُمَّتِ محمدیہ کی سیاحت ہے۔
(3) مجاہدین کو جہاد پر جاتے وقت اور جہاد سے واپسی پر بھی ثواب دیا جاتاہے ۔
(4) جہاد اور سفر حج سے واپس آنے والوں کا خوش دلی سے استقبال کرنا بھلائی ونیکی کا کام ہے۔
(5) دشمن کو چکمادینے کےلئے میدانِ جنگ سے واپس آجا نا اور پھر دشمن کے غافل ہوجانے پر حملہ کر دینا جنگی حکمتِ عملی ہے جس پر مجاہدین کو ثواب دیاجاتاہے۔اﷲ عَزَّ وَجَلَّسے دعا ہے کہ وہ ہمیں دِینِ اِسلام کی سربلندی کے لئےخوب خوب کوشش کرنے اور بوقتِ ضرورت دِین کے لئےاپنی جانوں کا نذرانہ پیش کرنے کی توفیق عطافرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد