باب:جہاد کی فرضیت کابیان - فیضان ریاض الصالحین - حدیث نمبر: 1292

اِحیائے دِین:عَلَّامَہ مُلَّا عَلِی قَارِی عَلَیْہِ رَحْمَۃُ اللّٰہِ الْبَارِیفرماتے ہیں:”اسلامی سرحد کی حفاظت کرنے والے کا عمل قیامت تک بڑھتا رہتاہے۔“یہاں قیامت تک عمل بڑھنے سے مراد یہ ہے کہ ہر لمحہ اسے نیا اجر ملتا ہے کیونکہ اس نے دشمنانِ اسلام کے خلاف اپنی جان کو اس چیز کے لیے قربان کیا ہے جس کا نفع تمام مسلمانوں کو پہنچتا ہے اور وہ اِحیائے دین ہےاور اس اجر کے ساتھ ساتھ وہ عذابِ قبر سے بھی محفوظ رہتا ہے ۔شاید یہی وجہ ہے کہ اس صدقۂ جاریہ کی وجہ سے وہ دوسرے لوگوں سے ممتاز ہوتا ہے جیساکہ حضرت سَیِّدُنَا ابو ہریرہرَضِیَ اﷲ تَعَالٰی عَنْہُسے مروی ہے کہ”انسان جب مرجاتا ہے تو اس کا عمل منقطع ہوجاتا ہے سوائے تین چیزوں کے:(1)صدقۂجاریہ(2)ایسا علم جس سے نفع اٹھایا جائے اور(3)نیک بیٹا جو اس کے لیے دعا کرے۔“
قیامت تک عمل بڑھنے کی وضاحت کرتے ہوئےمُفَسِّرِشہِیرمُحَدِّثِ کَبِیْرحَکِیْمُ الْاُمَّتمُفتِی احمد یار خان نعیمیعَلَیْہِ رَحْمَۃُ اﷲ الْقَوِیفرماتے ہیں:”قیامت تک اسے ہر گھڑی وہ ہی ثواب ملتا رہتا ہے جو زندگی میں ملتا تھا اس کارباطفِیْ سَبِیْلِ اﷲصدقۂ جاریہ ہوجاتا ہے کیونکہ مسلمان اس کے رباط سے فائدہ اٹھاتے رہتے ہیں۔“