باب:خوشخبری اور مبارک باد دینے کے اِسْتِحْبَاب کا بیان - فیضان ریاض الصالحین - حدیث نمبر: 708

جنتی گھر کی کیفیت:اس حدیث کی شرح کرتے ہوئے شیخ عبدالحق محدث دہلویعَلَیْہِ رَحْمَۃُ اللّٰہ الْقَوِیفرماتے ہیں:”حضور نبی اکرمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمغارِ حرامیں مصروفِ عبادت تھے کہ اُمُّ المؤمنین حضرت سَیِّدَتُنَا خدیجہرَضِیَ اللّٰہ تَعَالٰی عَنْہَاکھانا لے کر آئیں تو اس وقت یہ بشارت پائی۔جنت میں موتی سے بنا یہ گھر ایسا ہوگا جس میں کوئی زحمت اور تکلیف نہ ہوگی برخلاف دنیا کے گھروں کے کہ وہ اس طرح نہیں ہوتے یا یہ مطلب ہے کہ گھر کے بنانے میں کوئی شور،فریاد اور زحمت برداشت کرنا نہیں ہوگا کیونکہ گھر بنانے میں تکلیف اٹھانی اور دوسروں سے مدد مانگنی پڑتی ہےجبکہ وہاں جنت میں تیار گھر ملے گا۔شارحین فرماتے ہیں کہ یہ اس بات کی جزا ہے کہ حضرت سَیِّدَتُنَا خدیجہرَضِیَ اللّٰہ تَعَالٰی عَنْہَاپہلے پہل برضا ورغبت آواز بلند کرنے،جھگڑنے اور مشقت کے بغیر اسلام لائیں۔“اہل مکہ حضرت سَیِّدَتُنَا خدیجہرَضِیَ اللّٰہ تَعَالٰی عَنْہَاکی پاک دامنی اور پارسائی کی بنا پر ان کو ’’طاہرہ‘‘کے لقب سے یاد کرتے تھے، آپرَضِیَ اللّٰہ تَعَالٰی عَنْہَاجنتی افضل عورتوں میں سے ہیں۔مدنی گلدستہ
∞’’طاہرہ‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) حضرت سَیِّدَتُنَا خدیجۃ الکبریرَضِیَ اللّٰہ تَعَالٰی عَنْہَاکو دنیا میں ہی جنت کی بشارت دی گئی۔
(2) اہل مکہ حضرت سَیِّدَتُنَا خدیجہرَضِیَ اللّٰہ تَعَالٰی عَنْہَاکی پاک دامنی اور پارسائی کی بنا پر ان کو ’’طاہرہ‘‘ کے لقب سے یاد کرتے تھے۔
(3) عورتوں میں سب سے پہلے ایمان لانے والی حضرت سَیِّدَتُنَا خدیجۃ الکبریرَضِیَ اللّٰہ تَعَالٰی عَنْہَاہیں۔
(4) اہل جنت کی افضل عورتوں میں سے حضرت سَیِّدَتُنَا خدیجہرَضِیَ اللّٰہ تَعَالٰی عَنْہَابھی ہیں۔
(5) جنتی گھروں میں کوئی شوروغل، زحمت وتکلیف اور تھکاوٹ وغیرہ نہ ہوگی ۔اللّٰہ عَزَّوَجَلَّنیک لوگوں کے صدقے ہمیں بھی جنت میں جگہ عطا فر مائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد