باب: مریض کیلئے دعا کیسے کی جائے؟ - فیضان ریاض الصالحین - حدیث نمبر: 901

خاکِ مدینہ میں شفا ہے:مُفَسِّرِشہِیرمُحَدِّثِ کَبِیْرحَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”( نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّممریض کودم کرتے وقت)اَوَّلاً آپ مرض کی جگہ انگلی رکھتے پھر انگلی پر کچھ لعاب شریف لگا کر مٹی لگاتے، پھر اس کا لیپ مرض کی جگہ کر دیتے اور یہ فرماتے جاتے کہ بفضلہٖ تعالیٰ ہمارا لُعاب اور مدینہ کی مٹی شفاہے۔ اس سے چند مسئلے معلوم ہوئے:*∞ایک یہ کہ بیماری پر ٹوٹکے اور منترجائز ہیں بشرطیکہ اس کے الفاظ کفریہ نہ ہوں اورکوئی کام حرام نہ ہو، اس کی اصل یہ حدیث بھی ہے اور وہ بھی کہ نظر بدمیں نظر والے کے ہاتھ پاؤں کو دھلاکر بیمارکو چھینٹا مار دو، شامی نےنظر اور جادو دفع کرنے کے بہت ٹوٹکے بیان فرمائے ہیں۔*∞دوسرے یہ کہ حضورصَلَّی اللّٰہ عَلَیْہِ وَسَلَّمکا لعاب شریف شفا ہے، بعض صوفیا دم کرتے وقت کچھ لعاب بھی ڈال دیتے ہیں، اس کی اصل یہ حدیث ہے۔*∞تیسرے یہ کہ مدینہ پاک کی مٹی شفا ہے وہاں کی خاک کو جو خاکِ شفا کہا جاتا ہے، اس کی اصل یہ حدیث ہے۔“مرقاۃ المفاتیح میں ہے:”بے شک! مدینہ کی مٹی خاک شفا ہے اسی طرح ہر شخص کے لیے اس کے وطن کی مٹی میں بھی شفا ہوتی ہے۔چنانچہ علما فرماتے ہیں کہ مسافر کو ماحولیاتی تبدیلی کی وجہ سے لاحق ہونے والی بیماریوں سے بچانے اور مزاج کو اپنی حالت پر برقرار رکھنے کے لیے اپنے وطن کی مٹی بھی بہت فائدہ مند ثابت ہوتی ہے اسی بنا پر کہا جاتا ہے کہ مسافر اگر اپنے علاقہ کا پانی سفر پر ساتھ نہیں لے جاسکتا تو اس کے لیے مناسب ہے کہ تھوڑی سی مٹی اپنے ساتھ رکھ لے اور جہاں بھی پانی پئے تھوڑی سی مٹی پانی کے برتن میں ڈال دے اور پھر پانی پئے اس کی وجہ سے آب و ہوا بدلنے سے جو بیماریاں لگتی ہیں ان سے محفوظ رہے گا۔“