باب:سفرسے لوٹنے پرپڑھنے والے کلمات کا بیان - فیضان ریاض الصالحین - حدیث نمبر: 987

آيِبُوْنَاورتَائِبُوْنَسے مراد:عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اللّٰہ الْغَنِیفرماتے ہیں:آيِبُوْنَسے مرادہماللّٰہ عَزَّوَجَلَّکی طرف لوٹنے والے ہیں،اس میں یہ اشارہ ہے کہ ہم اپنے وطن کی طرف لوٹنے والے ہیں۔تَائِبُوْنَیعنی ہم توبہ کرنے والے ہیں اور توبہ یہ ہے کہ جو چیز شریعت میں مذموم ہو اس سے اس چیز کی طرف رجوع کرنا جو شریعت میں محمود ہو۔علامہ شہاب الدین قَسْطَلَّانیعَلَیْہِ رَحْمَۃُ اللّٰہ الْقَوِیفرماتے ہیں:”اس توبہ کرنے میں عبادت میں کوتاہی کی طرف اشارہ ہے اور حضور اکرمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا یہ فرمانا بطورِ عاجزی ہے یا تعلیمِ اُمَّت کے لئے ہے۔“( )دوسرے مقام پر فرماتے ہیں:”حضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمہمیشہ تائب ،عابد اور ساجد رہا کرتے اور یہ بات انبیائے کرامعَلَیْہِمُ السَّلَامکے آداب میں شامل ہے کہ وہ حضرات صرف اور صرف خود کواللّٰہ عَزَّوَجَلَّکامحتاج ہونے کا اظہار کرتے ہیں تاکہ اس کا شکر خوب ادا ہواگرچہ وہاللّٰہ عَزَّوَجَلَّکے پاس اپنے مقام کو جانتے ہیں اور اس خوف سے امن میں ہیں جس میں دوسرے مبتلا ہیں۔“مدنی گلدستہ’’توبہ‘‘کے4حروف کی نسبت سے حدیثِ مذکور اور اس کی وضاحت سے ملنے والے4مدنی پھول
(1) سفر سے واپسی پراللّٰہ عَزَّوَجَلَّکا شکر اور اس کی حمد بجا لانی چاہیے۔
(2) عبادت میں کوتاہی پراللّٰہ عَزَّوَجَلَّکی بارگاہ میں توبہ کرنی چاہیے۔
(3) حضور نبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمہمیشہ تائب،عابد اور ساجد رہے۔
(4) انبیاءعَلَیْہِمُ السَّلَاماپنے مقام کو جانتے ہیں اور اس خوف سے امن میں ہیں جس میں دوسرے مبتلا ہیں۔اللّٰہ عَزَّوَجَلَّسے دعا ہے کہ وہ ہمیں سفر سے بخیریت لوٹنے پر اس کی حمد اور شکر بجالانے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد