باب: مختلف برتنوں کے استعمال کا بیان - فیضان ریاض الصالحین - حدیث نمبر: 774

ایک معجزے کا ذِکر:میٹھے میٹھےاسلامی بھائیو!مذکورہ حدیث پاک میں نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے ایک معجزے کا ذِکر ہے کہ پتھر کا ایک چھوٹا سا برتن جس میں آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا دَستِ اقدس بھی پورا نہ جا سکتا تھا،آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے اس برتن میں اپنی مبارک انگلیاں رکھیں جن سے پانی نکلنا شروع ہو ا اورستر(70) سے زائد صحابہ کرام نے اس چھوٹے پتھر کے برتن سے وضو کیا۔مرآۃ المناجیح میں ہے:ظاہر یہ ہے کہ پانی خود انگلیوں کے درمیان یعنی گاہیوں میں سے ایسے پھوٹا جیسے پتھر سے پانی کا چشمہ جاری ہوتا ہے۔حضور کا یہ معجزہ موسیٰعَلَیْہِ السَّلَامکے اس معجزہ سے افضل اور عجیب تر ہے کہ پتھر سے پانی کے چشمے پھوٹے۔اِمَام اَبُو زَکَرِیَّا یَحْیٰی بِنْ شَرَف نَوَوِی عَلَیْہِ رَحْمَۃُ اللّٰہِ الْقَوِینے مذکورہ اَحادیث پاک سے ضِمناً پتھر کے برتن کے استعمال کو بیان فرمایا ہے کہ نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّماور صحابہ کرام نے جس برتن سے وضو فرمایا وہ برتن پتھر کا تھا۔لہٰذا معلوم ہوا کہ پتھر کے برتن سے وضو کرنا یا دیگر ضروریات میں پتھر کا برتن استعمال کرنا جائز ہے۔صدر الشریعہ مفتی محمد امجد علی اعظمیعَلَیْہِ رَحْمَۃُ اللّٰہ الْقَوِیفرماتے ہیں:سونے چاندی کے سوا ہر قسم کے برتن کا استعمال جائز ہے، مثلاً تانبے، پیتل، سیسہ، بلور وغیرہا۔مگر مٹی کے برتنوں کا استعمال سب سے بہتر کہ حدیث میں ہے کہ ’’جس نے اپنے گھر کے برتن مٹی کے بنوائے، فرشتے اُس کی زیارت کو آئیں گے۔‘‘