باب: دِینی حُرمتوں کی پامالی پر غصہ اور دِین کی مدد کا بیان - فیضان ریاض الصالحین - حدیث نمبر: 649

مختصر نمازپڑھانے کی وجہ:اِمَام شَرَفُ الدِّیْن حُسَیْن بِنْ مُحَمَّد طِیْبی عَلَیْہِ رَحْمَۃُ اللّٰہِ الْقَوِیحدیثِ مذکور کی شرح کرتے ہوئے فرماتے ہیں:”اِس حدیثِ پاک میں حضورنبی کریم رَءُوْفٌ رحیمصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے اماموں کو مختصر نماز پڑھانے کی ہدایت فرمائی ہے کیونکہ طویل نماز پڑھانے کی وجہ سےلوگ جماعت میں شامل ہونے سے کترائیں گے ۔اِس حدیث میں اِس بات کو بھی بیان کیا گیا ہے کہ جو شخص کسی کے جماعت سے نماز نہ پڑھنے کا سبب بنے تو اُس پربھی سخت وعید ہے ۔‘‘امام کے گنہگار ہونے کی صورت:مُفَسِّر شہِیرمُحَدِّثِ کَبِیْرحَکِیْمُ الاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”اس سے معلوم ہوا کہ امام کے قصور کی بناء پر اگر کوئی شخص جماعت چھوڑ دے تو گناہ گار وہ نہیں ہے بلکہ امام نیز حاکم یا بزرگ کے سامنے امام کی شکایت کردینا جائز ہے نہ یہ غیبت اور نہ یہ امام کی سرتابی نیز حاکم مقتدیوں کے سامنے امام پر سختی بھی کر سکتا ہے اور ملامت بھی۔اس میں اس کی اصلاح ہے نہ کہ ذلیل کرنا۔ درازیٔ نماز اگر چہ عبادت ہے مگر جب کہ اس سے کوئی خرابی پیدا نہ ہو ۔“حدیثِ مبارکہ سے حاصل فوائد ومسائل:عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اللّٰہِ الْغَنِیمذکورہ حدیث کی شرح کے تحت حدیث سے حاصل ہونے والے فوائد ومسائل ذکر کرتے ہوئے فرماتے ہیں:”*∞ حسبِ موقع کسی کی شکایت کرنا جائز ہے۔*∞اَحکامِ شرعیہ پر عمل نہ ہونے کی صورت میں غصہ کرنا جائز ہے۔*∞جو شخص شریعت کے منع کئے ہوئے کام کر رہا ہو تو اُس کو اس کام سے روکنا جائز ہے اگر چہ وہ کام حرام نہ ہو ۔*∞ نبی اکرمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے بعض اوقات صحابہ کرامعَلَیْہِمُ الرِّضْوَانکی رضامندی کے ساتھ طویل نماز پڑھائی جبکہ بعض اوقات آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے دورانِ نماز بچےکے رونے کی آواز سننے پر نماز کو مختصر بھی کیا ہے۔‘‘مدنی گلدستہ’’نماز‘‘کے4حروف کی نسبت سے حدیثِ مذکور اور اس کی وضاحت سے ملنے والے4مدنی پھول
( 1) حضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے ائمہ مساجد کو بوڑھوں ،کمزوروں اور ضرورت مندوں کی رعایت کرتے ہوئے مختصر قراء ت کا حکم دیا ہے۔
( 2) حاکمِ اسلام یا کسی بزرگ کے سامنے کسی کی درست شکایت کرنا جائز ہے یہ غیبت نہیں ہے۔
( 3) جب تمام مقتدی طویل نماز پڑھنے پر راضی ہوں تو امام کا طویل نماز پڑھانابلا کراہت جائز ہے ۔
( 4) صحابہ کرامعَلَیْہِمُ الرِّضْوَاناپنا مسئلہ حل کروانے کے لئے نبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی بارگاہ میں حاضر ہوا کرتے تھے ۔اللّٰہ عَزَّ وَجَلَّہمیں اَحکامِ شرعیہ پر عمل کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد