باب:مَیِّت کے پاس کہے جانے والے کلمات کا بیان - فیضان ریاض الصالحین - حدیث نمبر: 920

میت کے پاس دُنیا کی باتیں نہ کی جائیں:مُفَسِّرِشہِیرمُحَدِّثِ کَبِیْر حَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں: غالِبًا یہ شک راوِی کو ہے یعنی نبی کریمصَلَّی اللّٰہ عَلَیْہِ وَسَلَّمنے مریض فرمایایا مَیِّت۔مریض سے مراد قریب الموت مریض ہے،خیر (یعنی اچھی بات بولنے)سے مُراد دُعائے شِفا اور دعائے مغفرت ہےاور اس سےمعلوم ہوا کہ ایسی حالت میں حاضِرین دُنیوی کلام نہ کریں،آخِر وقت تک دعائے شِفا کرسکتے ہیں،اَعلیٰ حضرترَحْمَۃُ اللّٰہ عَلَیْہنے وصیَّت کی تھی کہ میری جانکنی کے وقت اس حجرے(یعنی کمرے) میں ناپاک انسان،کُتّا،جاندار کا فوٹو یعنی نوٹ روپیہ پیسہ وغیرہ کچھ نہ ہو۔(اس حصۂحدیث’’فرشتے تمہاری باتوں پرآمین کہتے ہیں۔‘‘کے تحت فرماتے ہیں:) یعنی مَلَکُ الموت اور ان کے ساتھی ہر اس بات پر آمین کہہ دیتے ہیں جوتمہارے منہ سے نکلتی ہے۔مرنے والے کے پاس نیک لوگوں کا ہونا:عَلَّامَہ اَبُو عبدُ اللّٰہ مُحمّد بِن اَحمد قُرْطُبِی عَلَیْہِ رَحْمَۃُ اللّٰہ الْقَوِینَقْل فرماتے ہیں:اس حدیث شریف میں بیمار یا مَیِّت کےلیے دُعا کرنے کی تعلیم ہے اوریہ بتایا گیا ہے کہ حاضِرین کی دُعا پر فرشتے آمین کہتے ہیں،اسی وجہ سے عُلَما نے اس بات کو مُسْتَحَب قرار دیا کہ مرنے والے شخص کے پاس صالِحین اور اَہلِِ خَیر موجود ہوں تاکہ وہ اسے(کَلِمہ شریف)یاد دِلائیں،اس کے لیے اور اس کے پَسْماندگان کے لیے دُعا کریں اور کَلِماتِ خَیر کہیں اور یوں ان کی دُعا اورفرشتوں کی آمین جمع ہوجائے اور مَیِّت اور اس کے پَسْماندگان فائدہ اُٹھائیں۔مدنی گلدستہ’’جنّت‘‘کے3حروف کی نسبت سے حدیثِ مذکور اور اُس کی وضاحت سے ملنے والے3مَدَنی پھول
(1) جب قریب الموت شخص کے پاس آئیں تو اُس وقت دُعائیں اور کَلِماتِ خَیر کہیں،بُرے کَلِمات اور دُنیوی گُفتگو نہ کریں کہ اُس وقت جو کچھ کہا جاتا ہے فرشتے اس پر آمین کہتے ہیں۔
(2) جان کنی کے وقت کمرے میں کُتَّا اور جاندار کی تصویرنکال دیں کہ جہاں یہ ہوتے ہیں وہاں رحمت کے فَرِشتے نہیں آتےنیزتصویروں والے نوٹ یا سکے وغیرہ سامنے ہوں تو بہتر یہ ہے کہ انہیں بھی ہٹا دیں۔
(3) قریب الموت شخص کے پاس نیک پرہیزگار لوگوں کا ہونا مُسْتَحَب ہے تا کہ اسے ان کی دُعائیں حاصل ہوں اوران کی دُعاؤں میں فرشتوں کی آمین بھی شامل ہوجائے تواُس کا بیڑا پار ہوجائے ۔اللّٰہ عَزَّوَجَلَّسے دُعا ہے کہ وہ ہمیں قریبُ الموت شخص کے پاس اچھے کَلِمات کہنے اوراس کے لیے دُعائیں کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد