باب:مَیِّت کے پاس کہے جانے والے کلمات کا بیان - فیضان ریاض الصالحین - حدیث نمبر: 922

جنّتی مَحلات کی دو اَقسام:مرآۃ المناجیح میں ہے:یہ سُوال وجواب ان فَرِشتوں سے (ہوتا)ہےجو مَیِّت کی رُوح بارگاہِ اِلٰہی میں لے جاتے ہیں ۔اِس سُوال سے انہیں گواہ بنانا مقصود ہے ورنہ ربّ تعالیٰ توعَلِیم وخَبِیر ہے۔ خیال رہے کہ جنّت میں بعض محل ربّ کی طرف سے پہلے ہی بَن چکے ہیں اور بعض انسان کے اَعمال پر بنتے ہیں یہاں اس دوسرے محلّ کا ذِکْر ہے جیسے یہاں مکانوں کے نام کاموں سے ہوتے ہیں ویسے ہی وہاں محلّات کے نام اَعمال سے ہیں۔مدنی گلدستہ’’ غوث‘‘کے3حروف کی نسبت سے حدیثِ مذکور اور اس کی وضاحت سے ملنے والے3مدنی پھول
(1) جو شخص اپنی اَولاد کے اِنتقال پرصبْر کرتے ہوئےاللّٰہ عَزَّوَجَلَّکی حَمْد کرے اوراِنَّالِلّٰہِ وَاِنَّآاِلَیْہِ رَاجِعُوْنپڑھے تواللّٰہ عَزَّوَجَلَّاس کے لیے جنّت میںبَیتُ الْحَمْدنامی محل تیار فرماتا ہے۔
(2) جنّت میں بعض محل ربّ کی طرف سے پہلے ہی بَن چکے ہیں اوربعض انسان کے اَعمال پر بنتے ہیں اوربَیتُ الْحَمْدکاتعلق بھی اس دوسری قِسْم کےمحلات سے ہے۔
(3)اللّٰہ عَزَّوَجَلَّکا فَرِشتوں سے کوئی بات پوچھنے کی یہ وجہ نہیں ہوتی کہاللّٰہ عَزَّوَجَلَّکومَعَاذَ اللّٰہاس بات کا عِلْم نہیں ہے بلکہ اس پوچھنے میں کئی حکمتیں ہوتی ہیں۔اللّٰہ عَزَّوَجَلَّسے دُعا ہے کہ وہ ہمیں اولاد اور عزیز وں دوستوں کے اِنتِقال پر حَمْدکرنے اوراِنَّالِلّٰہِ وَاِنَّآاِلَیْہِ رَاجِعُوْنپڑھنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد