باب:قبر کے پاس وعظ کرنے کا بیان - فیضان ریاض الصالحین - حدیث نمبر: 945

قبر کےگِرد بیٹھنا جائز ہے :مذکورہ حدیثِ پاک کی باب کے ساتھ مناسبت یہ ہے کہ آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے صحابہ کرام کو قبر کے پاس بیٹھ کر وعظ و نصیحت ارشاد فرمائی۔عَلَّامَہ بَدْرُ الدِّیْن عَیْنِیعَلَیْہِ رَحْمَۃُ اللّٰہ الْغَنِیفرماتے ہیں:”یہاں اس بات کی طرف اشارہ ہے کہ اگر زندہ لوگوں یا قبر والے کی کسی مصلحت(خیروبھلائی) کا تقاضا ہو تو قبر کے گرد لوگوں کا بیٹھنا جائز ہے۔ زندہ لوگوں کی مصلحت (خیروبھلائی)یہ ہے کہ انہیں موت اور آخرت کی یاد دلائی جائے اور قبر والے کی مصلحت (خیروبھلائی)یہ ہے کہ قبر کے پا س بیٹھ کر قرآنِ پاک کی تلاوت کی جائے اوراللّٰہ عَزَّوَجَلَّکا ذکر کیا جائے تو اس سے میت کو نفع ہو گا ۔ “مدنی گلدستہ’’رب ‘‘کے2حروف کی نسبت سے حدیثِ مذکور اور اُس کی وضاحت سے ملنے والے2مدنی پھول
(1) قبر کے گِرد بیٹھ کر وعظ و نصیحت کرنا جائز ہے کہ اس میں موت اور آخرت کی فکر زیادہ ہے ۔
(2) قبر کے پاسذِکراللّٰہکرنے اور قرآنِ پاک کی تلاوت کرنے سے میت کو نفع ہوتا ہے ۔اللّٰہ عَزَّوَجَلَّہمیں موت کو یاد رکھنے اور فکرِآخرت کرنے کی توفیق عطا کرےاور ہمارا ٹھکانا جنت میں بنائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد