باب:فجر وعشا باجماعت اد ا کرنے کی ترغیب - فیضان ریاض الصالحین - حدیث نمبر: 1071

حدیثِ مذکور میں فجر وعشا کی نماز باجماعت ادا کرنے کی فضیلت بیان کی گئی کہ جو عشا کی نماز جماعت سے ادا کرے تواسےاتنا ثواب ملتا ہے جیسے آدھی رات عبادت میں بسر کی ہواور جو فجر کی نماز جماعت سے پڑھ لے تو گویا اس نے ساری رات عبادتِ الٰہی میں گزاری۔کسی عاقل کو ایسی فضیلتوں سے کبھی محروم نہیں رہنا چاہیے،جوشخص ایسےشان والےعمل کو چھوڑے تو وہ اپنی غفلت پر خون کے آنسو روئے۔دلیل الفالحین میں ہے :”اس فضیلت میں قلیل وکثیر جماعت ،امام و مقتدی، زیادہ اور کم مرتبے والے سب شامل ہیں۔ یعنی جس نے بھی عشا کی نمازجماعت سےادا کی گویاآدھی رات قیام کیااورجس نے فجرکی نمازباجماعت ادا کی گویا پوری رات قیام کیا۔حدیث پاک کے ظاہر سے یہ سمجھ آتا ہےکہ جس نے یہ دونوں نمازیں باجماعت ادا کیں اسے پوری رات عبادت کرنے کاثواب ملے گا،آدھاعشا کی وجہ سے اور آدھا فجر کی وجہ سے۔ یہ مراد نہیں کہ جوفجرجماعت سےپڑھ لےاگرچہ عشاباجماعت ادا نہ کی ہو پھربھی اسے پوری رات عبادت کا ثواب ملے۔“
مرآۃ المناجیح میں ہے:”اس کے دومطلب ہو سکتے ہیں:ایک یہ کہ عشاکی باجماعت نماز کا ثواب آدھی رات کی عبادت کے برابر ہے اورفجرکی باجماعت نمازکا ثواب باقی آدھی رات کی عبادت کے برابر،تو جو یہ دونوں نمازیں جماعت سے پڑھ لے اسے ساری رات عبادت کاثواب۔دوسرے یہ کہ عشاکی جماعت کا ثواب آدھی رات کے برابرہے اورفجرکی جماعت کا ثواب ساری رات عبادت کے برابر کیونکہ یہ جماعت عشا کی جماعت سے زیادہ بھاری ہے،پہلے معنیٰ زیادہ قوی ہیں۔‘‘فجر و عشا کی فضیلت پرفرامینِ مصطفےٰصَلَّی اﷲ تَعَالٰی عَلَیْہِ وَاٰلِہٖ وَسَلَّم:(1)”جس نے عشا کی نَماز باجماعت ادا کی اس نے شبِ قدر میں سے اپنا حصہ پالیا۔“(2)” جو فجر کی نَماز باجماعت ادا کرتا ہے وہاﷲ عَزَّ وَجَلَّکی امان میں ہوتا ہے۔“(3)”جو صبح کے وقت فجر کی نَماز کے لئے چلا وہ ایمان کا جھنڈا لے کرچلااورجو( نماز اداکئےبغیر ) بازار کی طرف چلا وہ شیطان کا جھنڈا لے کر چلا۔“رات بھرعبادت سے بہتر:امیر المومنین حضرتِ سیدناعمر بن خطابرَضِیَ اﷲ تَعَالٰی عَنْہُنے ایک دن فجرکی نَماز میں حضرت سیدنا سلیمان بن ابو حثمہرَضِیَ اﷲ تَعَالٰی عَنْہُکونہ پایا،سبب دریافت کرنے پر پتا چلا کہ وہ ساری رات عبادت کرتے رہےاورصبح کو آنکھ لگ گئی۔اس پرآپرَضِیَ اﷲ تَعَالٰی عَنْہُنے فرمایا:” فجر کی نَماز باجماعت ادا کرنا میرے نزدیک ساری رات عبادت کرنے سے بہتر ہے۔