باب: دَر گُزَر کرنے اور جاہلوں سے منہ پھیرنے کابیان - فیضان ریاض الصالحین - حدیث نمبر: 643

یہ واقعہ کب پیش آیا ؟یہ واقعہ اعلانِ نبوت کے دسویں سال شوال کے مہینے میں پیش آیا جب نبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے چچا ابو طالب کا انتقال ہوگیا تو آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمطائف کی طرف اس اميد پر گئے کہ شاید وہ آپ کو پناہ دیں گے۔آپ قبیلہ ثقیف کے تین سرداروں عبد یالیل ،حبیب اور مسعود کے پاس گئے یہ تینوں آپس میں بھائی اور عمرو نامی شخص کے بیٹے تھے۔آپ نے ان سے اپنی قوم کے مظالم کی شکایت کی اور ان سے پناہ طلب کی تو انہوں نے آپ کی مدد کرنے کے بجائےسخت رویہ اختیار کیا جس سے آپ کو شدید دکھ پہنچا ۔قرن الثعالب یہ مکہ مکرمہ کے قریب ایک جگہ کا نام ہےاور یہ اہلِ نجد کا میقات ہے ۔حضورعَلَیْہِ السَّلَامکا عَفْوودرگزر:میٹھے میٹھےاسلامی بھائیو!ہمارے پیارے آقاصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمتمام جہانوں کےلئے رحمت بن کر تشریف لائے۔ کفارِ نا ہِنجار آپ کو بہت ستاتے کبھی سَرِ اَقدس پر کُوڑا کَرکَٹ ڈال دیا جاتا ، راستے میں کانٹے بچھائے جاتے ،سجدے کی حالت میں پُشْتِ مبارک پر اونٹ کی اوجھڑی ڈال دی جاتی علاوہ اَزیں کفارِ بد اَطْوار آپصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکی شانِ عظمت میں گستاخانہ جملے بکتے، پھَبْتِیاں کَستے،مَعَاذَ اللّٰہآپ کو کاہن وجادو گر کہتے۔ مگرآپصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمان کی طرف سے پہنچنے والی تکالیف پر نہ صرف صبرسے کام لیتے بلکہ عفو ودرگزر سے کام لیتے، ان کے خلاف کوئی جوابی کاروائی نہ فرماتے، حالانکہ آپ چاہتے تو ان سے انتقام لے سکتے تھے، جیسا کہ حدیث پاک میں گزرا کہ پہاڑوں کا فرشتہ آپ کی بارگاہ میں عرض گزار ہوا۔ لیکن آپ نے عَفْوودرگُزر کو اختیار فرمایا۔معلوم ہوا کہ شدیدتکالیف پہنچنے اور ذاتی انتقام لینے پر قدرت ہونے کے باوجود عَفْوودرگُزرسے کام لینا سرکارصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی سنت ہے۔اسی وجہ سے امام نوویعَلَیْہِ رَحْمَۃُ اللّٰہ الْقَوِینے یہ حدیث پاک اس باب میں ذِکر فرمائی۔مدنی گلدستہ’’نرمی‘‘کے4حروف کی نسبت سے حدیثِ مذکور اور اُس کی وضاحت سے ملنے والے4مدنی پھول
(1) حضور نبی کریم رَءُوْفٌ رحیمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکو قریش اور طائف کے لوگوں سے بہت تکالیف پہنچیں پھر بھی آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے اُن سے درگزر فرمایا۔
(2) نیکی کی دعوت میں اگر تکلیف پہنچے تو اُس پر صبر کرنا چاہیے۔
(3) ہمارے پیارے نبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمتمام جہانوں کے لیے رحمت بن کر تشریف لائے۔
(4) رسولُاللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمدعوتِ اسلام عام کرنے کے لئے مختلف علاقوں اور مختلف قبائل کی طرف تشریف لے جایا کرتے تھے ۔اللّٰہ عَزَّ وَجَلَّہمیں بھی اپنے پیارے نبیصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکے صدقے دینِ اسلام کی راہ میں آنے والی مصیبتوں پر صبرکرنے اور لوگوں سے درگزر کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد