باب:تین اُنگلیوں سے کھانے اورانگلیاں چاٹنے کابیان - فیضان ریاض الصالحین - حدیث نمبر: 748

کیا پتا اِسی حصے میں برکت ہو:عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللّٰہِ الْقَوِیاِرشادفرماتے ہیں: کھانےکے بعدانگلیاں چاٹ لینی چاہئیں ، کیا پتا کھانے کے اِسی حصے میں برکت ہو۔“صَدْرُالشَّرِیْعَہ، بَدرُالطَّرِیْقَہ، حضرتِ علامہ مولانا مفتی محمد اَمجد علی اَعظمیعَلَیْہِ رَحْمَۃُ اللّٰہ الْقَوِیفرماتے ہیں:”ایسے شخص کو چٹا دے جو کراہت و نفرت نہ کرتا ہو، مثلاً تلامذہ و مریدین کہ یہ استاد و شیخ کے جھوٹے کوتَبَرُّکجانتے ہیں اور بڑی خوشی سے استعمال کرتے ہیں۔“ٹشو پیپر سےبھی ہاتھ پونچھ سکتے ہیں:ہاتھ چاٹ لینے کے بعد ٹشو پیپر سے بھی پونچھے جاسکتے ہیں۔چنانچہ شیخ طریقت امیرِ اَہلسنتدَامَتْ بَرَکَاتُہُمُ الْعَالِیَہفرماتے ہیں:”ٹِشو پیپر سے ہاتھ پونچھنےاورٹوائیلٹ پیپر سے جائے اِستِنجاء خشک کرنے کی عُلَما اِجازت دیتے ہیں کیوں کہ یہ اِسی کام کیلئے ہے، اس پر کچھ لکھا نہیں جاتا۔یاد رہے کھانے کے بعد انگلیوں کو کاغذ سے پونچھنا مکروہ ہے۔“