باب:تین اُنگلیوں سے کھانے اورانگلیاں چاٹنے کابیان - فیضان ریاض الصالحین - حدیث نمبر: 753

تین مرتبہ انگلیاں چاٹنا:اُنگلیاں تین تین بار چاٹنی چاہئیں، اگر پھر بھی انگلیوں پر غذا باقی رہ جائے تو زیادہ بار چاٹ لیجئے یہاں تک کہ غذا کاا ثر نظر نہ آئے۔ شمائل ترمذی میں ہے:”سلطانِ دوجہاں، شَہَنشاہِ کون و مکانصَلَّی اللّٰہ تَعَالٰی عَلَیْہِ وَاٰلِہٖ وَسَلَّم(کھانے کے بعد) اپنی مبارک انگلیاں تین تین مرتبہ چاٹاکرتے تھے۔“انگلیاں چاٹنے کی ترتیب:حضرت سیِّدُناکعب بن عُجْرہرَضِیَ اللّٰہ تَعَالٰی عَنْہُفرماتے ہیں:”میں نے سر ورِکائنات، شاہِ موجوداتصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکو انگوٹھا، شہادت والی اور درمِیانی انگلی ملا کر تین اُنگلیوں سے کھاتے دیکھا ۔پھر میں نے دیکھا کہ سرکارِ مدینہصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے انہیں پُونچھنے سے پہلے چاٹ لیا، سب سے پہلے درمیانی پھر شہادت والی اور پھر انگوٹھا شریف چاٹا۔“