باب: کسی مصیبت کی وجہ سےموت کی تمناکرنا - فیضان ریاض الصالحین - حدیث نمبر: 585

لمبی عمرنیکیوں میں زیادتی کاسبب ہے:عَلَّامَہ مُلَّا عَلِی قَارِی عَلَیْہِ رَحْمَۃُ اللّٰہ الْبَارِیفرماتےہیں:”جب کوئی شخص مرجاتاہےتوخیروبھلائی میں زیادتی کی جواس کی امیدیں ہوتی ہیں وہ ختم ہوجاتی ہیں،اورمومن کی عمرزیادہ ہونےسےخیرہی زیادہ ہوتی ہے یعنی بندۂ مومن جب بلاؤ ں اورمصیبتوں پرصبرکرتاہے،اللّٰہ عَزَّ وَجَلَّکی نعمتوں کاشکراداکرتاہے،تقدیرِالٰہی پرراضی رہتاہےاوراللّٰہ عَزَّ وَجَلَّاوراُس کےپیارے نبیصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکےاَحکام کی فرمانبرداری کرتا ہےتواُس کاثواب بڑھتاہی جاتاہے۔“زندگی کازمانہ بیج بونےکاہے:مُفَسِّرشہِیرمُحَدِّثِ کَبِیْرحَکِیْمُ الاُمَّت مُفتِی احمد یار خانعَلَیْہِ رَحْمَۃُ الْحَنَّان:”مومن کی عمر بھلائی ہی بڑھاتی ہے۔“کےتحت لکھتےہیں:”زندگی کا زمانہ تخم بونے کا زمانہ ہے جو کچھ بوئے گا آگے چل کر کاٹے گا۔بدکار اگر توبہ کرے گا تو اسی زندگی میں،نیک کارنیکیاں بڑھائے گا تو اسی زندگی میں۔خیال رہے کہ بعض مؤمن قبرمیں بھی نمازیں پڑھتے ہیں،تلاوتِ قرآن بھی کرتے ہیں مگر ان اعمال پر ثواب نہیں صرف روحانی لذت ہے جیسے فرشتوں کے اعمال پرثواب نہیں بلکہ ان سے ان کی بقا اورلذت ہے۔“لمبی عمر کے متعلقتین فرامینِ مُصطفےٰصَلَّی اللّٰہ تَعَالٰی عَلَیْہِ وَاٰلِہٖ وَسَلَّم:(1)’’موت کی تمنا مت کیا کرو کیونکہ اُخروی زندگی کی ابتدا بہت سخت ہے اور بندے کی عمر کا طویل ہونا اوراسےاللّٰہ عَزَّ وَجَلَّکی طر ف سے توبہ کی تو فیق ملناخوش بختی ہے۔(2)ایک شخص نے بارگاہِ رسالت میں عرض کی: یَا رَسُوْلَاللّٰہ صَلَّی اللّٰہ تَعَالٰی عَلَیْہِ وَاٰلِہٖ وَسَلَّم! لوگوں میں بہتر کون ہے؟فرمایا:” جس کی عمرطویل اور عمل اچھا ہو۔“پوچھا:اور لوگوں میں بُرا کون ہے؟ فرمایا:”جس کی عمر لمبی اور عمل بُرا ہو۔“(3)” کیا میں تمہیں تمہارے سب سے بہتر آدمی کی خبر نہ دوں؟ تم میں سے بہتر وہ ہے جس نے لمبی عمر گزاری ہو اور اچھے کام کیے ہوں۔“