نیکی پر باہمی مدد کا بیان - فیضان ریاض الصالحین - حدیث نمبر: 177

نیکی وگناہ پر مددکرنے والا:مذکورہ حدیث پاک سے یہ معلوم ہوتا ہے جس نے کسی بھی مسلمان کی نیکی کے کام میں مدد کی تو اس مدد کرنے والے کے لیے اس نیکی کرنے والے کے برابر اجر ہےاور تمام نیک اعمال میں یہی معاملہ ہے ، اسی طرح جس نے کسی کی گناہ والے کام میں مدد کی تو اس مدد کرنے والے کو اس گناہ کرنے والے کے برابر گناہ ملے گا اور تمام گناہوں میں مدد کرنے کا یہی معاملہ ہے۔( )مجاہد کی مدد کرنے والے کو جہاد کا ثواب:عَلَّامَہ اَبُو زَکَرِیَّا یَحْیٰی بِنْ شَرَف نَوَوِیعَلَیْہِ رَحْمَۃُ اللّٰہِ الْقَوِی مذکورہ حدیث پاک کے تحت فرماتے ہیں : ’’مجاہد کی مدد کرنے والے کو بھی جہاد کا ثواب ملے گا اور یہ ثواب ہر اس جہاد میں ملے گاجس میں اس نے مدد کی ، نیز جہاد کا پورا پورا ثواب ملے گا چاہے اس نے کم مدد کی یا زیادہ۔ اسی طرح جو مجاہد کے گھروالوں کی دیکھ بھال کرے گا اسے بھی اس جہاد کا ثواب ملے گا۔ البتہ یہ ثواب دیکھ بھال میں کمی یا زیادتی کے سبب کم یا زیادہ
 
ہوگا۔ اگر کم دیکھ بھال کرے گا تو کم ثواب ملے گا اور زیادہ کرے گا تو زیادہ۔ ‘‘ ( )
مُفَسِّرشھیر ، مُحَدِّثِ کَبِیْرحَکِیْمُ الْاُمَّت مُفتِی احمد یار خان عَلَیْہِ رَحْمَۃُ الْحَنَّان فرما تے ہیں : ’’ غازی کو سامانِ سفر ، سامانِ جنگ یا روٹی کپڑا ، سواری دینے والے کو بھی جہاد کرنے کا ثواب ملتا ہے۔ یہاں جہاد سے حکمی جہاد مراد ہے یعنی ثواب۔ جو مجاہد کے پیچھے اس کے بال بچوں کی خدمت اس کے گھر بار کی دیکھ بھال کرے وہ بھی ثوابِ جہاد میں شریک ہوگیا کیونکہ اس کی اس خدمت سے غازی کا دل مطمئن ہوگا جس سے وہ جہاد اچھی طرح کر سکے گا تو گویا یہ شخص غازی کے اطمینانِ دل کا ذریعہ بنا۔ ‘‘( )