باب: مختلف برتنوں کے استعمال کا بیان - فیضان ریاض الصالحین - حدیث نمبر: 777

مسلمان کا زیور:مذکورہ حدیثِ پاک میں ریشم پہننے اور سونے چاندی کے برتن میں پینے کی ممانعت کو بیان کیا گیا ہے مزید فرمایا گیا ہےکہ یہ نعمتیں کفار کے لئے دنیا میں ہیں اور تمہارے لئے آخرت یعنی جنت میں۔مُفَسِّرِ شہِیرمُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّاناس حدیثِ پاک کے تحت فرماتے ہیں:جس کپڑے کا تانا (یعنی وہ دھاگا جو کپڑا بنُنے کے لئے لمبائی میں استعمال ہوتا ہے )بانا (وہ دھاگا جو کپڑا بننے کے لئے چوڑائی میں استعمال ہوتا ہے )یاصرف بانا ریشم کا ہو وہ مرد کو پہننا حرام ہے،عورت کو حلال اور جس کا تانا ریشم کا ہو بانا سوت کا یا اُون کا اس کا پہننا مردکو بھی حلال ہے۔ریشم سے مراد کیڑے کا ریشم ہے،دریائی ریشم یا سَن (ایک پودا) کا ریشم سب کو حلال ہے کہ وہ حریرودیباج نہیں۔ کفار اگر سونے چاندی کے برتنوں میں کھائیں تم انہیں نہ روکو نہ ان سے لڑو مگر ان کی دیکھا دیکھی تم نہ پہنو تمہارے واسطے سونا چاندی جنت میں تیار ہےاِنْ شَاءَاللّٰہخوب استعمال کرنا،اس ممانعت میں لاکھوں حکمتیں ہیں۔اگر مسلمان مَردوں نے سونے چاندی کے زیور پہننا شروع کردیئے تو تلوار و بندوق سے جہاد کون کرے گا،مسلمان کا زیور علم اور ہتھیار ہیں۔