باب:خوشخبری اور مبارک باد دینے کے اِسْتِحْبَاب کا بیان - فیضان ریاض الصالحین - حدیث نمبر: 709

بیراریس:یہ کنواں مسجد قبا ءسے متصل پچھّم (مغرب)کی جانب ہے اس کو’’بیر خاتم‘‘بھی کہا جاتا ہے اس لئے کہ حضرت عثمانرَضِیَ اللّٰہ تَعَالٰی عَنْہُکے ہاتھ سے مہر ِنبوت کی انگوٹھی اس کنوئیں میں گر گئی اور بڑی تلاش و جستجو کے باوجود نہیں ملی۔حضور اقدسصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے اس کنوئیں کا پانی پیا اور اس سے وضو فرمایا اور اس میں اپنا لعاب دہن بھی ڈالا تھا۔بارگاہِ رسالت کی دربانی:عمدۃ القاری میں ہے: علامہ ابن تینرَحْمَۃُ اللّٰہ تَعَالٰی عَلَیْہفرماتے ہیں کہ اِس حدیث سے معلوم ہوا کہ کسی کا امام کے لیے دربان بننا جائز ہے اگرچہ امام نے دربان بننےکا حکم نہ دیا ہو۔اگر یہ سوال پوچھاجائے کہ ترمذی میں حضرت سَیِّدُنا ابو موسٰی اشعریرَضِیَ اللّٰہ تَعَالٰی عَنْہُسے مروی روایت میں ہے کہ”آپ نے مجھ سے فرمایا: اس دروازے پر پہرہ دو اور کوئی شخص میری اجازت کے بغیر میرے پاس نہ آئے۔“اس روایت سے معلوم ہوا کہ حضرت ابو موسٰی اشعریرَضِیَ اللّٰہ تَعَالٰی عَنْہُاز خود دربان نہیں بنے تھے اور بخاری کی روایت سے معلوم ہواکہ وہ از خود دربان بنے تھے؟اس کا جواب یہ ہے کہ ابتدا میں حضرت سَیِّدُنا ابو موسٰی اشعریرَضِیَ اللّٰہ تَعَالٰی عَنْہُکے دل میں خود دربان بننے کا خیال آیا تھا اور بعد میں نبی اکرمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے انہیں دربان بننے کا حکم دیا۔اس پر یہ اعتراض ہوتا ہے کہ اس سے معارض یہ حدیث ہے حضرت سَیِّدُنا انس بن مالکرَضِیَ اللّٰہ تَعَالٰی عَنْہُسے مروی ہے کہ نبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا کوئی دربان نہیں تھا۔اس کا جواب یہ ہے حضرت سَیِّدُنَا انسرَضِیَ اللّٰہ تَعَالٰی عَنْہُکی مراد یہ ہے کہ آپ کے دائمی دربان نہیں تھے۔مستقبل کی غیبی خبر:جب حضرت سَیِّدُنا عثمانِ غنیرَضِیَ اللّٰہ تَعَالٰی عَنْہُنے اندر آنے کی اجازت چاہی تو آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے فرمایا:”انہیں اجازت دو اور جنت کی خوشخبری کے ساتھ ایک مصیبت میں مبتلا ہونے کی خبر بھی دو۔“اس کی وضاحت کرتے ہوئےمُفَسِّر شہِیرمُحَدِّثِ کَبِیْر حَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”یعنی انہیں جنت کی بشارت دو مگر ایک مصیبت عظمیٰ کے ساتھ۔خیال رہے کہ مؤمن کی تکالیف اور مصیبتیں بھیاللّٰہکی رحمتیں ہوتی ہیں اس لیے اس مصیبت کی بشارت دی گئی۔ حضرت عثمان غنی (رَضِیَ اللّٰہ تَعَالٰی عَنْہُ) نے دونوں چیزوں پر خدا کا شکر کیا مگر بلا وقفہ پھراللّٰہسے مدد مانگی کہ مجھے صبر کی توفیق ملے۔خیال رہے کہ ایسے موقعہ پر دفعیہ کی دعا کرنا ممنوع ہے کہ اس میں ایک طرح کی بے صبری سی ہے۔ عبدیت کے اظہار کے لیے ہر وقت دعائیں مانگو مگر امتحان کے موقعہ پر دفعیہ کی دعا نہ کرو بلکہ صبرکر کے پاس ہونے کی کوشش کرو۔حضورصَلَّی اللّٰہ عَلَیْہِ وَسَلَّمنے حضرت حسین کی شہادت کی تفصیلی خبر دی تو فرمایا:اَللّٰھُمَّ اعْطِ حُسَیْنِیْ صَبْرًا جَمِیْلًا وَ اَجْرًا جَزِیْلًاخدایا میرے حسین کو صبر جمیل دے اور اجر جزیل یعنی بڑا ثواب دے۔دفعیہ کی دعا نہ کی۔ بچہ کو امتحان سے بچاتے نہیں بلکہ محنت کراکے کامیاب کراتے ہیں۔“عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اللّٰہِ الْغَنِیفرماتے ہیں:حدیث میں حضرت سَیِّدُنَا عثمان غنیرَضِیَ اللّٰہ تَعَالٰی عَنْہُکے متعلق جس مصیبت کے پہنچنے کی پیشن گوئی کی گئی ہے اس سے مراد وہ واقعات ہیں جن میں حضرت عثمان غنیرَضِیَ اللّٰہ تَعَالٰی عَنْہُکو ان کے گھر میں شہید کیا گیا۔ترتیب سے بیٹھنے کی تاویل:حضرت سَیِّدُنا سعید بن مسیّبرَضِیَ اللّٰہ تَعَالٰی عَنْہُفرماتے ہیں کہ میں ان کے اس طرح ترتیب سے بیٹھنے کو ان کی قبور مراد لیتا ہوں۔ان کی اس تاویل کی وجہ یہ تھی کہ جس طرح شیخین کریمین ابو بکر صدیق و عمر فاروقرَضِیَ اللّٰہ تَعَالٰی عَنْہُمَاکوئیں کی منڈیر پر نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے ساتھ بیٹھے تھے اسی طرح ان دونوں کی قبریں بھی آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی قبر ِمبارک کے ساتھ ہیں اگرچہ دائیں بائیں کے اعتبار سے نہیں جبکہ حضرت سَیِّدُنا عثمانِ غنیرَضِیَ اللّٰہ تَعَالٰی عَنْہُآپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے ساتھ منڈیر پر نہیں بیٹھے بلکہ سامنے بیٹھے اس طرح آپرَضِیَ اللّٰہ تَعَالٰی عَنْہُکی قبر بھی نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی قبر ِ مبارک کے ساتھ نہیں بلکہ سامنے کی طرف جنت البقیع میں ہے۔جنت کی خوشخبری پانے میں اَوَّلِیَّت:علامہ غلام رسول رضویعَلَیْہِ رَحْمَۃُ اللّٰہ الْقَوِیفرماتے ہیں:”اس حدیث پاک میں خلفاء ثلاثہ کی فضیلت کا واضح بیان ہے اور ابو بکر صدیقرَضِیَ اللّٰہ تَعَالٰی عَنْہُاُن سے افضل ہیں کیونکہ ان کو جنت کی خوشخبری پہلے دی گئی جبکہ ان کی نشت جناب رسالت مآبصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے دائیں جانب تھی۔یہ ان کے لئے بہت بڑی فضیلت ہے۔“مدنی گلدستہ
∞سیدنا ’’عثمان‘‘ کے 5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) بیر اریس وہ مبارک کنواں ہے جس کا پانی آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے پیا اور اس سے وضو فرمایا اور اس میں اپنا لعاب دہن بھی ڈالا ۔
(2) نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمبعطائے الٰہی مستقبل کے اَحوال سے با خبر ہیں اسی لئے آپعَلَیْہِ الصَّلٰوۃُ وَالسَّلَامنے سَیِّدُناعثمانِ غنیرَضِیَ اللّٰہ تَعَالٰی عَنْہُکو مستقبل میں پہنچنے والے مصائب کی خبرپہلےدی۔
(3) اچھی خبر سن کراللّٰہ عَزَّوَجَلَّکا شکر ادا کرنا چاہیے اور آزمائش والی خبر سن کر بجائے بے صبری و ناشکری کرنے کےاللّٰہتعالیٰ سے مدد طلب کرنی چاہیے۔
(4) مؤمن کو پہنچنے والی تکالیف اورمصیبتیںاللّٰہ عَزَّوَجَلَّکی رحمت ہوتی ہیں ۔
(5) حضرت سَیِّدُنا ابو بکر صدیقرَضِیَ اللّٰہ تَعَالٰی عَنْہُتمام صحابہ سے افضل ہیں۔اللّٰہ عَزَّوَجَلَّہمیں دنیا و آخرت میں کامیابی عطا فرمائے اور جنت میں نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا پڑوس نصیب فرمائے ۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد