باب:خوشخبری اور مبارک باد دینے کے اِسْتِحْبَاب کا بیان - فیضان ریاض الصالحین - حدیث نمبر: 711

میٹھے میٹھے اسلامی بھائیو!مذکورہ حدیث پاک میں اس بات کا بیان ہے کہ حضرت سَیِّدُنَاعمر و بن عاصرَضِیَ اللّٰہ تَعَالٰی عَنْہُحالت نزع میں اپنی سابقہ زندگی کے ایام جو کہ کچھ زمانہ جاہلیت میں گزرے اور کچھ زمانہ اسلام میں ان کو یاد کر کے رو رہے تھے اور آخرت کے بارے میں فکر مند تھےجبکہ ان کے صاجزادے انہیں تسلی دیتے ہوئے عرض کررہے تھے : ابا جان! آپ فکر مند کیوں ہوتے ہیں کیا آپ کو حضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے فلاں بات کی خوشخبری نہیں دی۔معلوم ہوا کہ مرتے ہوئے آدمی کو رحمت الٰہی کی امید دلاتے ہوئے اسے خوشخبری سنانی چاہیےاور اسی طرح جو غیر مسلم اسلام قبول کرے اسے بھی سابقہ گناہوں کے معافی کی نوید سنانی چاہیے۔سابقہ گناہوں کو مٹانے والے اَعمال:عَلَّامَہ اَبُو زَکَرِیَّا یَحْیٰی بِنْ شَرَف نَوَوِی عَلَیْہِ رَحْمَۃُ اللّٰہِ الْقَوِیفرماتے ہیں:”اس حدیث میں اسلام، ہجرت اور حج کے عظیم مرتبہ ہونے کا بیان ہے کیونکہ ان میں سے ہر ایک سے انسان کے سابقہ تمام گناہ بخش دیئے جاتے ہیں۔اِس حدیث میں یہ بھی بیان ہے کہ جو شخص حالت نزع میں ہو اسےاللّٰہ عَزَّوَجَلَّسے حُسنِ ظن رکھنے پر تنبیہ کرنا مستحب ہے اور اس کے سامنےقرآنِ پاک کی وہ آیات اور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی وہ احادیث بیان کی جائیں جن میںاللّٰہ عَزَّوَجَلَّکے عفوو درگزر کا بیان ہےاوراللّٰہتعالیٰ نے مسلمانوں کے لیے جو نعمتیں تیار کی ہیں اُن کی خوشخبری دی جائےاور اس کے اچھے اَعمال اسے یاد دلائے جائیں تا کہ وہاللّٰہ عَزَّوَجَلَّسے اچھا گمان رکھےاور اسی پراس کی موت واقع ہو۔نزع کے وقت ایسا کرنا بالاتفاق مستحب ہے اور اسی پر مذکورہ روایت بھی دلالت کرتی ہے۔آنکھ بھر کر نہ دیکھنے سے معلوم ہوتا ہے کہ صحابہ کرامعَلَیْہِمُ الرِّضْوَانرسولُ اللّٰہ صَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی بہت زیادہ تعظیم اور توقیر کیا کرتے تھے۔حضرت عَمرو بن عاصرَضِیَ اللّٰہ تَعَالٰی عَنْہُنے جنازے کے ساتھو رونے پیٹنے والی عورت اور آگ سے اس لئے منع فرمایا کیونکہ حضورنبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے مرنے والے پر نوحہ کرنے اور جنازے کے ساتھ آگ لے جانے سے منع فرمایا ہے۔نوحہ کرنا تو حرام ہے جبکہ میت کے ساتھ آگ لے جانا زمانہ جاہلیت کا شعار یابُرا شگون ہونے کی وجہ سے مکروہ ہے۔اس روایت میں فتنہ قبر کا ثبوت ہے اور فرشتوں کے سوال جواب کا ذکر ہے اور یہی اہل حق کا مذہب ہے اور میت کو دفن کرنے کے بعد کچھ دیر قبر کے پاس بیٹھنا مستحب ہے اور قبر کے پاس جو گفتگو کی جاتی ہے قبر والا اسے سنتا ہے۔سابقہ گناہوں کی معافی:اعلیٰ حضرت، اِمامِ اہلسنت، مولانا شاہ امام احمد رضا خانعَلَیْہِ رَحْمَۃُ الرَّحْمٰنفرماتے ہیں: (وہ حاجی جو)پاک کمائی، پاک نیت سے حج کرے اور اُس میں لڑائی جھگڑے اور عورتوں کے سامنے تذکرۂ جماع (صحبت کی باتیں ) اور ہرقسم کے گناہ ونافرمانی سے بچے، اس وقت تک جتنے گناہ کئے تھے بشرطِ قبول (اگر حج قبول ہوگیا) سب معاف ہو جاتے ہیں ، پھر اگر حج کے بعد فوراً مر گیا اتنی مہلت نہ ملی کہحقوق اللّٰہعَزَّ وَجَلَّیا بندوں کے اس کے ذمہ تھے انہیں ادا یا ادا کی فکر کرتا تو اُمید واثق (قوی امید) ہے کہ مولیٰ تعالیٰ اپنے تمام حقوق سے مطلقاً در گزر فرمائے یعنی نماز، روزہ، زکوٰۃ وغیرہا فرائض کہ بجا نہ لایا تھا ان کے مطالبہ پر بھی قلمِ عفو ِاِلٰہی پھر جائے (یعنیاللّٰہتعالیٰ انہیں معاف فرما دے) اور حقوق العباد ودُیون ومظالم مثلاً کسی کا قرض آتا ہو، مال چھینا ہو، بُرا کہا ہو ان سب کو مولیٰ تعالیٰ اپنے ذمہ ٔ کرم پر لے لے، اَصحابِ حُقُوق (حق والوں )کو روزِ قیامت راضی فرما کر مطالبہ وخُصُومَت (حق کی ادائیگی کے تقاضے اور جھگڑے) سے نجات بخشے، یوہیں اگر بعد کو زندہ رہا اور بقدرِ قدرت تَدَارُکِ حقوق ادا کر لیا (اپنی طاقت کے مطابق حقوق ادا کر دیئے) یعنی زکوٰۃ دے دی، نماز، روزہ کی قضا ادا کی جس کا جو مطالبہ آتاتھا دے دیا جسے آزار (دُکھ) پہنچا تھا معاف کرا لیا جس مطالبہ کا لینے والا نہ رہا یا معلوم نہیں اُس کی طرف سے تصدُّق (صدقہ) کر دیا، بوجہ ِقلت مُہلت (زندگی کے وفا نہ کرنے کی وجہ سے) جو حق،اللّٰہ عَزَّوَجَلَّیا بندہ کا ادا کرتے کرتے رہ گیا اُس کی نسبت اپنے مال میں وصیت کر دی، غرض جہاں تک طُرُقِ براء ت (حقوق کی ادئیگی کے طریقوں ) پر قدرت ملی، تقصیر (کوتاہی) نہ کی تو اس کیلئے اُمید اور زیادہ قوی کہ اصل حقوق کی یہ تدبیر ہو گئی اور اثمِ مخالفت(نافرمانی کا گناہ) حج سے دُھل چکا تھا۔ ہاں ! اگر بعدِ حج با وصفِ قدرت ان اُمُور میں قاصر رہا تو یہ سب گناہ اَزسرِ نو (دوبارہ) اُس کے سَر ہوں گے کہ حقوق تو خود باقی ہی تھے ان کی ادا میں پھر تاخیر وتقصیر، گناہ تازہ ہوئے اور وہ حج ان کے اِزالہ کو کافی نہ ہوگاکہ حج گزرےگناہوں کو دھوتا ہے آئندہ کیلئے پروانہ ٔبیقیدی نہیں ہوتا (یعنی حج آئندہ کے گناہوں سے آزادی کااجازت نامہ نہیں ہوتا) بلکہ حجِ مبرور (مقبول حج) کی نشانی ہی یہ ہے کہ پہلے سے اچھا ہو کر پلٹے۔“مدنی گلدستہ’’ بشارت‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) اسلام ،ہجرت اور حج ایسےعظیم اعمال ہیں کہ ان میں سے ہر ایک سے انسان کے سابقہ گناہ بخش دیئے جاتے ہیں۔
(2) جو شخص حالت نزع میں ہو اسےاللّٰہ عَزَّوَجَلَّسے حُسنِ ظن رکھنے کا کہا جائے اور اس کے نیک اعمال اسے یاد دلائے جائیں تا کہ وہاللّٰہ عَزَّوَجَلَّکے ساتھ اچھا گمان رکھے اور اسی پر اس کی موت واقع ہو۔
(3) مرنے والے پر نوحہ کرنا اور جنازے کے ساتھ آگ لے جانایہ زمانہ جاہلیت کے شعار ہیں، حدیث پاک میں ان دونوں کی ممانعت ہے ۔
(4) دفن کے وقت قبر پرمٹی آہستگی سے ڈالی جائے اوربعدِ دفن قبر کے آس پاس حلقہ باندھ کر کھڑے ہونا سنت ہے۔
(5) میت کو دفن کرنے کے بعد کچھ دیر قبر کے پاس بیٹھنا مستحب ہے اور قبر کے پاس جو گفتگو کی جاتی ہے قبر والا اسے سنتا ہے۔اللّٰہ عَزَّوَجَلَّہمارا خاتمہ بالخیر فرمائے اور ہمیں بلا حساب وکتاب جنت میں داخلہ نصیب فرمائے ۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد