باب:خوشخبری اور مبارک باد دینے کے اِسْتِحْبَاب کا بیان - فیضان ریاض الصالحین - حدیث نمبر: 710

صحابہ کرام کی بے تابی:میٹھے میٹھے اسلامی بھائیو!اس حدیث سے معلوم ہوا کہ حضور اکرمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکچھ دیر کے لئے صحابہ کرامعَلَیْہِمُ الرِّضْوَانکی نظروں سے اوجھل ہوجاتے تو صحابہ بے تاب و فکرمند ہوجاتے،ان کی نگاہوں کو آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا رخ زیبا دیکھے بغیر چین نہ آتا اور وہ آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی تلاش وجستجو شروع کردیتے۔اسی تلاش وجستجو کو حضرت سَیِّدُنَا ابو ہریرہرَضِیَ اللّٰہ تَعَالٰی عَنْہُنے مذکورہ روایت میں بیان فرمایا لیکن آپرَضِیَ اللّٰہ تَعَالٰی عَنْہُکویہ کیسے معلوم ہوا کہ حضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمقبیلہ بنونجار کے باغ میں تشریف فرما ہیں تو اس کی وضاحت کرتے ہوئےشیخ عبدالحق محدث دہلویعَلَیْہِ رَحْمَۃُ اللّٰہ الْقَوِیفرماتے ہیں:”گویا کہ حضرت ابو ہریرہرَضِیَ اللّٰہ تَعَالٰی عَنْہُکو قیاس اور کسی قرینہ و علامت سے معلوم ہو گیا کہ آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّماس باغ میں تشریف فرما ہیں بلکہ حضورصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے جمال کی خوشبوئے نسیم آپرَضِیَ اللّٰہ تَعَالٰی عَنْہُکے مشام محبت کو پہنچی جس سے ابو ہریرہرَضِیَ اللّٰہ تَعَالٰی عَنْہُکو معلوم ہو گیا کہ آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّماس باغ میں تشریف فرما ہیں۔“وارفتگیٔ عشق محبوب:حضرت سَیِّدُنا ابو ہریرہرَضِیَ اللّٰہ تَعَالٰی عَنْہُباغ کے اندر داخل ہونے کے لئے اس کا دروازہ ڈھونڈھنے لگے لیکن دروازہ نہ ملا،اسی کشمکش میں آپرَضِیَ اللّٰہ تَعَالٰی عَنْہُکی نظر ایک چھوٹی سی نالی پر پڑی آپ اس نالی کے ذریعے سمٹ کر باغ کے اندر داخل ہوگئے۔مُفَسِّرشہِیرمُحَدِّثِ کبیرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”یعنی دروازہ موجود تھا مگر نظر نہ آیا وارفتگیٔ عشق محبوب کی وجہ سے وہ (نالی) نظر آگئی پیاروں کے حال نیارے ہوتے ہیں،ان کی کیفیات عقل سے وراء ہیں،دیکھو رب کی شان کہ دروازہ نظر نہ آیا اور نالی سوجھ گئی،یہ واردات ان لوگوں پرگزرتی ہیں جنہیں عشق سے حصّہ ملا ہو۔‘‘نعلین عطا کرنے کی وجہ:حضرت سَیِّدُنا ابو ہریرہرَضِیَ اللّٰہ تَعَالٰی عَنْہُنالی کے ذریعے باغ میں داخل ہو کر حضور ِاَقدسصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی خدمت میں حاضر ہوئے تو آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے ابو ہریرہرَضِیَ اللّٰہ تَعَالٰی عَنْہُکو دیکھ کر تعجب سے پوچھا :ابو ہریرہ تم ہو؟ تعجب کرنے کی وجہ یہ تھی کہ باغ کا دروازہ بند ہونے کے باوجود حضرت ابوہریرہرَضِیَ اللّٰہ تَعَالٰی عَنْہُاندر داخل ہو گئے یا اس وجہ سے کہ اس وقت آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمپر وحی نازل ہو رہی تھی اور آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمحالتِ استغراق میں تھے اس لئے ابو ہریرہرَضِیَ اللّٰہ تَعَالٰی عَنْہُکو نہ پہچانا۔حضرت ابو ہریرہرَضِیَ اللّٰہ تَعَالٰی عَنْہُنے بارگاہ ِ رسالت میں حاضر ہوکر پورا واقعہ بیان کیا ۔ یہ پورا واقعہ سنانے میں جدائی کے صدمہ کی شکایت اور کسی تکلیف دہ چیز سےڈرنے میں دراصل کمال محبت کا اظہار تھا اور اس طرح بغیر اجازت بارگاہِ اَقدسصَلَّی اللّٰہ تَعَالٰی عَلَیْہِ وَاٰلِہٖ وَسَلَّممیں آنے کی معذرت بھی تھی۔آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے اپنے نعلین مبارک ابو ہریرہرَضِیَ اللّٰہ تَعَالٰی عَنْہُکو دیتے ہوئے ارشاد فرمایا:یہ لے جاؤاور اس باغ کے باہر جو شخص بھی دل کے یقین کے ساتھلَا اِلٰہَ اِلَّا اللّٰہکی گواہی دیتا ملے اسے جنت کی بشارت دو۔نعلین مبارک اس وجہ سے عطا فرمائے کہ یہ اس بات کی علامت ہو کہ حضرت ابو ہریرہرَضِیَ اللّٰہ تَعَالٰی عَنْہُحضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے پاس سے ہو کر آ رہے ہیں اور اس وقت آ پصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے پاس نشانی کے طور پر دینے کے لئے کوئی اور چیز نہ تھی۔بعض لوگوں نے یہ وجہ بیان کی کہ نعلین شریف دینے میں اس طرف اشارہ ہے کہ جس طرح نعلین پہن کر چلنے میں سہولت و آسانی ہوتی ہے اسی طرح آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی بعثت آسانی فراہم کرنے اور سہولت دینے کے لئے ہے اور آپ کا کام آسانی فراہم کرنا ہے نیز اس کلمہ طیبہ کی شہادت کے بعد ثابت قدمی اور استقامت کی بشارت ہے ۔حدیث مبارکہ کے فوائد:7جنت میں داخلہ ایمان کے سبب ہوگا خواہ ابتدا میں ہو یا جہنم سے نکلنے کے بعدہو۔7جہنم سے نجات اورجنت میں داخلے کے لئے اصلاللّٰہ عَزَّوَجَلَّکی وحدانیت پر ایمان اوراللّٰہ عَزَّوَجَلَّکے ساتھ کسی کو شریک نہ ٹھہرانا ہے۔7کسی کو بھلائی کی بشارت دینا مستحب ہے۔7صحابہ کرامعَلَیْہِمُ الرِّضْوَانرسولُ اللّٰہ صَلَّی اللّٰہ تَعَالٰی عَلَیْہِ وَاٰلِہٖ وَسَلَّمسے بہت محبت کیا کرتےاورآپ کی زندگی کی حرص رکھتے۔مدنی گلدستہ
∞اِسم جَلالت’’اللّٰہ‘‘کے4حروف کی نسبت سے حدیثِ مذکور اور اس کی وضاحت سے ملنے والے4مدنی پھول
(1) دل کے یقین کے ساتھلَا اِلٰہَ اِلَّا اللّٰہکی گواہی دینے والے کے لئے جنت کی بشارت ہے ۔
(2) صحابہ کرامعَلَیْہِمُ الرِّضْوَانحضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمسے والہانہ عشق کیا کرتے تھے، آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکو ذرا دیر ہو جاتی تو صحابہ کرام آپ کے لئے متفکر ہو جاتے ۔
(3) بغیر اجازت کسی کے گھر یا باغ میں چلے جانا منع ہے۔
(4) کسی کو بھلائی کی خوشخبری اور بشارت دینا مستحب ہے۔اللّٰہ عَزَّوَجَلَّہمیں ایمان پر زندگی اور موت عطا فرمائےاور گناہوں سے کنارہ کشی عطا کرے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد