باب:جہاد کی فرضیت کابیان - فیضان ریاض الصالحین - حدیث نمبر: 1298

مجاہد کے ہر کام بلکہ آرام پربھی ثواب:شیخ عبدالحق مُحَدِّث دہلویعَلَیْہِ رَحْمَۃُ اﷲ الْقَوِیفرماتے ہیں:”جب مجاہداﷲ عَزَّ وَجَلَّکی راہ میں جہاد کے لیے گھر سے نکلتا ہے اور پھر جہاد کرکے واپس آتا ہے تو ظاہر ہے کہ اس دوران وہ ہر وقت جہاد میں مصروف نہیں رہتا بلکہ اس کے اوقات کا کچھ حصہ جہاد سے خالی بھی گزرتا ہے کہ جس میں وہ کھانے ،سونے اور ایسے ہی دوسرے کاموں میں مصروف ہوتا ہے لیکن اس کے باوجود وہ اس شخص کے حکم میں ہے جس کی عبادت میں کوئی وقفہ نہیں ہوتااور مجاہد کی ہرحرکت اور آرام پر ہمیشہ ثواب لکھا جاتا ہے۔“مجاہدفی سبیل ﷲ کی شان:علامہ سید محمود احمد رضویعَلَیْہِ رَحْمَۃُ اﷲ الْقَوِیفرماتے ہیں:”مجاہد کی مثال ایسی ہے جیسے کوئیاﷲکی اطاعت میں اس طرح مشغول ہو کہ وہ ہمیشہ روزہ میں رہےکبھی افطار نہ کرے اور ہمیشہ نماز میں رہے کبھی نماز سے باہر نہ ہو ظاہر ہے کہ اس شان سے عبادات میں مشغولیت کی طاقت بہت مشکل ہے لیکن مجاہدفِی سَبِیْلِ اﷲکی شان یہی ہے کہ وہ ہمہ وقت چوکنا رہتا ہے اور دشمن کے حیلے بہانوں اور جنگی چالوں کی ہر ممکن طریقہ سے خبر رکھتا ہے اور یہ بات مجاہد کی خصوصیات سے ہے اور بہت فضیلت رکھتی ہے۔“نُزہۃُ القاری میں ہے: ”اس (حدیث)کا مفاد یہ ہے کہ مجاہد جس وقت اپنے گھر سے جہاد کرنے کے لئے نکلتاہے،ہر آن ہر لحظہاﷲکی عبادت میں رہتاہے ، اس کا سونا جاگنا ،کھانا پینا سب عبادت ہے ، یہاں تک کہ گھوڑے کو کھلانا پلانا اسے چَرانا، اس کی لید اٹھاناسب عبادت ہے ،حتّٰی کہ گھوڑا چلنے کے لئے جوقدم اٹھاتاہے ہر قدم پرمجاہد کے لئے نیکیاں لکھی جاتی ہیں ،اس لئے مجاہد کے برابر وہی ہوسکتا ہے جوچوبیس گھنٹے نمازیں پڑھتا رہے، یاکوئی بھی عبادت کرتارہے، ایک آن کے لئے دم نہ لے اور اس کی کوئی استطاعت نہیں رکھ سکتا اس لئے جہاد کے برابر کوئی عمل نہیں۔“صَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد