باب:جہاد کی فرضیت کابیان - فیضان ریاض الصالحین - حدیث نمبر: 1310

اعمال کی مقبولیت کے لیے ایمان شرط ہے:علّامہ سید محمود احمد رضویعَلَیْہِ رَحْمَۃُ اﷲ الْقَوِیفرماتے ہیں:”اس حدیث سے واضح ہوا کہ اعمالِ صالحہ کی مقبولیت کے لیے ایمان شرط ہے لہٰذا غیر مسلم کا کوئی عملِ نیکاﷲتعالیٰ کے ہاں نہ مقبول ہے اور نہ اس کو ثواب ملے گا۔حضورِ اقدسصَلَّی اﷲ عَلَیْہِ وَسَلَّمنے ان کے حق میں فرمایا کہ انہوں نے عمل تو کم کیا اور ثواب بہت پایا۔یہاﷲتعالیٰ کا اپنے بندوں پر خاص فضل وکرم اور احسان ہے اگرچہ ایمان لانے کے بعد کوئی ایک سجدہ کرنے کی مہلت نہ پائےتو اسے ہمیشہ کے لیے جنت الفردوس میں داخل فرمادے۔ان صاحب نے ایمان کےبعد جہاد میں حصہ لیا جو افضلُ الاَعمال ہے اور پھر شہید ہوگئے ۔اﷲکی طرف سے ان کے لیے جنت کا وعدہ ہے۔“نیت سے نفع:علّامہ غلام رسول رضویعَلَیْہِ رَحْمَۃُ اﷲ الْقَوِیفرماتے ہیں:”حدیث شریف میں مذکور شخص کا نام عمرو بن ثابت اشہلی ہے۔اس کا عجیب وغریب واقعہ ہے کہ وہ شخص جنت میں جائے گا حالانکہ اُس نے ایک نماز بھی نہ پڑھی ہوگی اور وہ ہمیشہ کے لیے جنت میں رہے گا اور اس کی نیت سے اس کو نفع حاصل ہوگا ۔اسی طرح کافر کا حال ہے کہ اگروہ کفر کی حالت میں مرجائے تو وہ ہمیشہ کے لیے دوزخ میں رہے گاکیونکہ اس نے کفر کا اعتقاد کررکھا تھا کہ وہ اپنی ساری زندگی کفر کرتا رہے گااور یہ اُس کے مُخلَّد فی النار(ہمیشہ جہنمی)ہونے کا سبب ہے۔“فقیہِ اعظم، حضرت علامہ مفتی شریف الحق امجدیعَلَیْہِ رَحْمَۃُ اﷲ الْقَوِیفرماتے ہیں:”یہ قصہ غزوۂ اُحد کا واقعہ ہے ۔یہ عجیب خوش بخت انسان تھے کہ ایک سجدہ بھی نہیں کیا اور جنت میں داخل ہوگئے ۔اجرِ کثیر ان کا یہ ہے کہ ہمیشہ ہمیش جنت میں رہیں گے۔“