باب:جہاد کی فرضیت کابیان - فیضان ریاض الصالحین - حدیث نمبر: 1303

مُطلَقاًراہِ خدا سے کیا مراد ہوتی ہے؟عَلَّامَہ مُلَّا عَلِی قَارِی عَلَیْہِ رَحْمَۃُ اللّٰہِ الْبَارِیفرماتے ہیں:”اس حدیث سے مراد ہے کہ جو شخص رضائے الٰہی کے لیے کوئی راستہ طے کرے اور راستہ طے کرنے میں اس کے قدموں پر گرد و غبار پڑے۔ خیال رہے کہاﷲکی راہ حقیقت میں ہر اس چیز کو شامل ہے جس میں اس کی رضا ہے پس یہ حج،طلبِ عِلم،جنازہ کی حاضری، بیمار پُرسی، جماعتِ نماز میں حاضری سب ہی کو شامل ہے مگر مُطلقًااﷲکی راہ سے مراد سفرِ جہاد ہوتا ہے۔حضور اکرمصَلَّی اﷲ تَعَالٰی عَلَیْہِ وَاٰلِہٖ وَسَلَّمسے پوچھا گیا کہ ایک شخص نے اپنا اونٹ ﷲ کی راہ میں وقف کیا ہے وہ کہاں استعمال کیا جائے ؟فرمایا: ”حج میں۔“قرآنِ کریم میں جو مَصارِفِ زکوٰۃ میںفِیْ سَبِیْلِ اﷲواقع ہے امام ابو یوسفرَحْمَۃُ اﷲ تَعَالٰی عَلَیْہکے ہاں اس سے مجبور غازی مراد ہےاور امام محمدرَحْمَۃُ اﷲ تَعَالٰی عَلَیْہکے نزدیک مجبور حاجی۔“دوزخ کی آگ بجھانے میں اکسیر:مُفَسِّرِشہِیرمُحَدِّثِ کَبِیْرحَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”ایسے شخص کو دوزخ کی آگ جلانہیں سکتی جب راہِ خدا کے غبار کا یہ عالَم ہے تو غور کرو کہ خود جہاد کا فائدہ کیا ہوگا خوفِ خدا سے آنکھ کے آنسو،راہِ خدا کا غبار،دوزخ کی آگ بجھانے میں اکسیر ہے۔“