باب:جہاد کی فرضیت کابیان - فیضان ریاض الصالحین - حدیث نمبر: 1315

نبیصَلَّی اﷲ عَلَیْہِ وَسَلَّمکا سعیدوشقی کوجان لینا:مُفَسِّرِشہِیر مُحَدِّثِ کَبِیْرحَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانمذکورہ حدیث کی شرح میں فرماتے ہیں:”( جنت کی طرف چلو!)یعنی اس عمل کی طرف چلو جو جنت حاصل کرنے کا ذریعہ ہے وہاں جانا گویا جنت میں ہی جانا ہے جیسے فرمایا گیا ہے کہ جنت تلواروں کے سایہ میں ہے یا جنت ماؤں کے قدموں کے نیچے ہے۔عمومًا ہر چیز کی چوڑائی اس کی لمبائی سے چھوٹی ہوتی ہے،جنت کی چوڑائی تمام آسمانوں اور زمینوں کے برابر ہے تو غورکرو کہ اس کی لمبائی کتنی ہوگی۔معلوم ہوا کہ اپنا عمل و اخلاص و نیت حضورصَلَّی اﷲ عَلَیْہِ وَسَلَّمسے عرض کرنا ریا کاری نہیں بلکہ اس سے عمل اور زیادہ قبول ہوجاتا ہے۔(حدیث میں حضرت عمیر بن حمام سے فرمایا کہ تم جنتی ہو)یہ ہے حضورصَلَّی اﷲ عَلَیْہِ وَسَلَّمکا ہر ایک کے سعیدوشقی ہونے پر مطلع ہونا کہ حضرت عمیر کے جنتی ہونے یعنی ایمان پر خاتمہ اور شہادت، حسابِ محشر میں کامیابی ،پل صراط سے بخیریت گزرنے کی خبر پہلے ہی سے دے رہے ہیں کیونکہ جنت میں داخلہ ان سب منزلوں سے گزرنے کے بعد ہوگا۔خیال رہے کہ جس کے ایمان و جنتی ہونے کی حضور رجسٹری فرمادیں اس کا جنتی ہونا ایسا ہی یقینی ہے جیسے ربّ کی وحدانیت یقینی ہے۔نیتِ خیر سے موت کی تمنا،موت کی دعا،موت حاصل کرنے کی ایسی کوشش بھی عبادت ہے۔‘‘شعر
جان تو جاتے ہی جائے گی قیامت یہ ہے کہ یہاں مرنے پہ ٹھہرا ہے نظارہ تیرا۔صحابی نے واہ واہ کیوں کہا؟اشعۃ اللمعات میں ہے:جنت کا تذکرہ سن کرصحابیرَضِیَ اﷲ تَعَالٰی عَنْہُنے”واہ !واہ“ کہا تو حضورصَلَّی اﷲ تَعَالٰی عَلَیْہِ وَاٰلِہٖ وَسَلَّمنےاس کی وجہ پوچھی غالباً آپصَلَّی اﷲ تَعَالٰی عَلَیْہِ وَاٰلِہٖ وَسَلَّمنے خیال فرمایا کہ حضرت عمیررَضِیَ اﷲ تَعَالٰی عَنْہُسے یہ قول سوچے سمجھے بغیر صادر ہوا ہے جیسے کہ کوئی شخص اَزراہِ مزاح کوئی بات کہہ دے یا قتل اور جان دینے کے خوف اور اسے عظیم اور بعید سمجھتے ہوئے ایسی بات کہہ دے ،حضرت عمیررَضِیَ اﷲ تَعَالٰی عَنْہُنے اس قسم کے احتمالات کی اپنی ذات سے نفی کی اور کہا:مجھے شوق ہے کہ میں جنت میں جاؤں اور اس کا ثواب حاصل کروں( اس لئے جنت کے شوق میں واہ واہ کہا۔)مدنی گلدستہسیدنا’’عمیر‘‘کے4حروف کی نسبت سے اَحادیثِ مذکورہ اور ان کی وضاحت سے ملنے والے4مدنی پھول
(1) جنت کی چوڑائی تمام آسمانوں اور زمینوں کے برابر ہے ۔
(2) اپنا عمل و اخلاص و نیت حضور نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمسے عرض کرنا ریا کاری نہیں بلکہ اس سے عمل اور زیادہ مقبول ہوجاتا ہے۔
(3) جس کے ایمان و جنتی ہونے کی حضور اکرمصَلَّی اﷲ تَعَالٰی عَلَیْہِ وَاٰلِہٖ وَسَلَّمرجسٹری فرمادیں اس کا جنتی ہونا ایسا ہی یقینی ہے جیسے ربّ کی وحدانیت یقینی ہے۔
(4) اچھی نیت سے موت کی تمنا،موت کی دعااورموت حاصل کرنے کی کوشش بھی عبادت ہے۔اﷲ عَزَّ وَجَلَّسے دعا ہے کہ وہ ہمیں خلوصِ نیت کے ساتھ اپنی راہ میں جہاد کرنے اور شہادت جیسی نعمت پانے کی توفیق عطا فرمائے ۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد