باب:جہاد کی فرضیت کابیان - فیضان ریاض الصالحین - حدیث نمبر: 1314

شہید ہونے والےشخص کا نام:تفہیم البخاری میں ہے:”اُسُدُ الْغَابَہمیں ذکر کیا کہ یہ شخص عمیر انصاریرَضِیَ اﷲ تَعَالٰی عَنْہُتھےجو بدر کی جنگ میں شہید ہوئے اور اِسلام میں سب سے پہلے انہیں شرفِ شہادت نصیب ہوا۔ابنِ اسحاقصاحب الْمَغازِینے بھی اس طرح ذکر کیا ہے لیکن ابنِ بشکوال نے کہا:یہ شخص عمیر بن حمام ابنِ جموح انصاری ہے۔“خاتمہ بالخیر کی نوید:”اگر میں شہید ہوجاؤں تو کہاں ہوں گا؟ارشاد فرمایا:جنت میں۔“مرآۃ المناجیح میں ہے:”یعنی جنت کے اس اعلیٰ مقام میں جو شہیدوں کے لیے ہے۔معلوم ہوتا ہے کہ اس بزرگ کا خاتمہ بالخیر ہونے والا تھا اور تمام گناہوں کی معافی اس کے نصیب میں تھی شہادت اس کے مقدر ہوچکی تھی اس لیے یہ جواب عطا ہوا۔معنی یہ ہیں تو شہید ہوتے ہی جنت میں پہنچے گا۔“