باب:جہاد کی فرضیت کابیان - فیضان ریاض الصالحین - حدیث نمبر: 1340

آگ کی تپش سے بھی حفاظت:”راہِ خدا میں ایک روزہ رکھنے والا زمین وآسمان کےدرمیانی فاصلے کی مقدار جہنم سے دور کردیا جاتاہے۔“مرآۃالمناجیح میں ہے :”خندق فرماکر اس جانب اشارہ فرمایا گیا کہاِنْ شَآءَ اﷲاس تک آگ تو کیا آگ کی تپش بھی نہ پہنچ سکے گی جیسے اتنی لمبی چوڑی خندق پھلانگ کر دشمن نہیں پہنچ سکتا۔‘‘عَلَّامَہ مُلَّا عَلِی قَارِی عَلَیْہِ رَحْمَۃُ اللّٰہِ الْبَارِیفرماتے ہیں:”جو راہِ خدا میں یعنی جہاد،حج وعمرہ یا علمِ دین کی راہ میں یا رضائے الٰہی کی خاطر ایک دن کا روزہ رکھےاﷲ عَزَّ وَجَلَّاس کے اور جہنم کے درمیان زمین وآسمان جتنی خندق بنادیتا ہے۔یعنیاﷲ عَزَّ وَجَلَّاس بندے اور جہنم کے درمیان طویل مسافت جتنی بڑی رُکاوٹ اورشدیدآڑ بنادیتا ہے۔زمین وآسمان کے درمیان پانچ سوسال کی مسافت ہے۔“مدنی گلدستہ’’بقیع‘‘کے4حروف کی نسبت سے احادیثِ مذکورہ اور ان کی وضاحت سے ملنے والے4مدنی پھول
(1)اﷲ عَزَّ وَجَلَّنے اجسام کی فطری قوت غذا میں رکھی ہے۔
(2) جو شخص جہاد میں نفلی روزہ رکھنے سے کمزورنہ ہو اس کے لیے جہاد میں روزہ رکھنا افضل ہے اورجو کمزور ہوجائے وہ نفلی روزے نہ رکھے۔
(3) جہاد،حج وعمرہ یا علمِ دین کی راہ میں یا رضائے الٰہی کی خاطر روزہ رکھنے والے کواﷲ عَزَّ وَجَلَّجہنم کی آگ سے اتنا دور کردیتا ہے کہ اس کے اور آگ کے درمیان زمین وآسمان جنتا فاصلہ ہوتا ہے۔
(4) اِخلاص کے فرق سے ثواب میں فرق آجاتا ہےاس لئے ہر نیک عمل میں صرف رضائے الٰہی مقصود ہونی چاہیے۔اﷲ عَزَّ وَجَلَّسے دعا ہے کہ وہ ہمیں نیک کام کرنے کی توفیق عطافرمائے اور ہمیں جہنم کی آگ سے بالکل محفوظ رکھے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد