باب:جہاد کی فرضیت کابیان - فیضان ریاض الصالحین - حدیث نمبر: 1322

شہیدِحکمی :حضرت سَیِّدُنا سہلرَضِیَ اﷲ تَعَالٰی عَنْہُسے مروی حدیث پاک کے تحت مُفَسِّرِشہِیر مُحَدِّثِ کَبِیْر حَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”(جو صدقِ دل سے شہادت طلب کرےاسے شہادت کا مرتبہ دیاجاتا ہے اگرچہ شہیدنہ ہو۔)اس طرح کہ دل سے شہادت کی آرزو کرے ، زبان سے دعا کرے اور بقدرِ طاقت جہاد کی تیاری کرے،موقعہ کی تاک میں رہے،صرف سچی دعا کو بھی بعض شارحین نے اسی میں داخل فرمایا ہے،یہ حکمی شہید ہوگا،جو جنت میں شُہدا کے ساتھ رہے گا،ربّ تعالیٰ کی عطا ہمارے وہم و گمان سے ورا ہے۔“سچی نیت کی برکت:عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اﷲ الْقَوِیفرماتے ہیں:”جواﷲ عَزَّ وَجَلَّسے سچے دل سے شہادت کا سوال کرےاﷲ عَزَّ وَجَلَّسچی نیت کی برکت سےا سے شُہدا کے اعلیٰ مرتبے پر فائز فرمائے گا اگرچہ وہ بستر پرفوت ہو ۔اس حدیث میں بیان ہوا کہ سچی نیت مطلب ومقصد تک پہنچنے کا سبب ہے،جو کسی نیک کام کی سچی نیت کرے اسے اس عمل کا ثواب ملےگا اگرچہ (کسی مجبوری کی وجہ سے)وہ نیک کام نہ کرسکے۔“