باب:جہاد کی فرضیت کابیان - فیضان ریاض الصالحین - حدیث نمبر: 1316

عامر بن طفیل کی غداری:عَلَّامَہ حَافِظ اِبنِ حَجَر عَسْقَلَانِی قُدِّسَ سِرُّہُ النُّوْرَانِیفرماتے ہیں:”آپصَلَّی اﷲ تَعَالٰی عَلَیْہِ وَاٰلِہٖ وَسَلَّمنے ستر قُرّاء کو ان مشرکین کی طرف بھیجا جنہوں نے پہلے آپ سے انہیں پناہ دینے کا عہد کیا تھا۔جن لوگوں نے رسولُاﷲ صَلَّی اﷲ تَعَالٰی عَلَیْہِ وَاٰلِہٖ وَسَلَّمسے ستر قراء کو پناہ دینے کا عہد کیا تھا وہ ان کے علاوہ تھے جنہوں نے انہیں شہید کیا۔ان ستر قراءکو پناہ دینے کا عہد کرنے والے بنوعامر تھے جن کا سردار ابو براء عامر بن مالک تھا اورستر قراء کو شہید کرنے میں بنو سلیم کے افراد اور عامر بن طفیل کا ہاتھ تھا۔عامر بن طفیل جو کہ ابو براء عامربن مالک کا بھتیجاتھا اس نے نبیصَلَّی اﷲ تَعَالٰی عَلَیْہِ وَاٰلِہٖ وَسَلَّمکے اصحاب کے ساتھ غداری کی اور پہلے اس نے بنوعامر کو صحابہ کے خلاف لڑنے کی دعوت دی جسے انہوں نے قبول نہ کیا اور کہا:”ہم ابو براء کے کیے ہوئے عہد اور اس کی امان کو نہیں توڑیں گے “پھر اس نے ان ستر صحابہ سے لڑنے کے لیے بنوسلیم کے عصیہ اور ذکوان نامی قبائل کو دعوت دی جسے انہوں نے قبول کیا اور ان صحابہ کرامعَلَیْہِمُ الرِّضْوَانکو شہید کر دیا۔ اس واقعہ کے بعد ابو براءاپنے بھتیجے عامر بن طفیل کی اس غداری کےصدمہ اور افسوس سے مرگیا اور کچھ عرصے بعد عامر بن طفیل بھی ہلاک ہوگیا اس دعا کی وجہ سے جو حضور نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمنے اس کے خلاف فرمائی تھی۔“عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اﷲ الْغَنِیفرماتے ہیں:”آپصَلَّی اﷲ تَعَالٰی عَلَیْہِ وَاٰلِہٖ وَسَلَّمنے ان ستر قاریوں پرحضرت مُنذِر بن عَمرورَضِیَ اﷲ تَعَالٰی عَنْہُکو امیر بنا کر روانہ کیا،جب یہ لوگ بیرِمعونہ پہنچے تو انہوں نے حضرت حرام بن ملحانرَضِیَ اﷲ تَعَالٰی عَنْہُکے ہاتھ رسولُاﷲ صَلَّی اﷲ تَعَالٰی عَلَیْہِ وَاٰلِہٖ وَسَلَّمکا مکتوب عامر بن طفیل کے پاس بھیجا،جب وہ اس کے پاس گئے تو اس نے خط دیکھے بغیر ان پر حملہ کرکے انہیں شہید کردیا پھر عصیہ، ذکوان اور رعل کے قبائل مل کر ان ستر قاریوں پر حملہ آور ہوئے اور یہ تمام قراء ان سے مقابلہ کرتے ہوئے شہید ہوگئے سوائے حضرت کعب بن زیدرَضِیَ اﷲ تَعَالٰی عَنْہُکے ان میں کچھ حیات باقی تھی جنہیں مُردہ سمجھ کر چھوڑ دیا گیا ،اس کے بعد یہ ایک عرصہ تک زندہ رہے اور غزوۂ خندق میں شہادت پائی۔“صَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد