باب : معجزات کابیان - مرآۃ المناجیح شرح مشکوٰۃ المصابیح - حدیث نمبر: 5898

۱∞؎یہ ایک عیسائی آدمی تھا جو پہلے مسلمان ہوا اور بارگاهِ عالی میں اتنا قرب حاصل کر گیا کہ حضور کے ہاں کا تبِ وحی ہوگیا ،پھر مرتد ہو کر عیسائی بن گیا اﷲکی پناہ ابلیس نے بہت قرب الٰہی حاصل کیا پھر مارا گیا، بعض لوگوں نے کہا ہے کہ وہ عبداﷲابی سرح تھا مگر یہ درست نہیں معلوم ہوتا وہ مرتد ہونے کے بعد پھر مسلما ن ہوگیا۔(ازمرقات)
۲؎اس نے مشرکین سے کہا کہ حضور صلی اللہ علیہ و سلم کو قرآن میں سکھاتا تھا جو میں بتاتا تھا وہ ہی وحی کرکے لکھ لیا جاتا تھا۔نعوذ باﷲ!۳؎یعنی یہ عنقریب کافر ہی مرے گااور اس کی لاش قبر میں نہ رہ سکے گی بلکہ اسے نکال پھینکے گی اس میں تین غیبی خبریں ہیں جو ہوبہو پوری ہوئیں۔
۴؎اس سے معلوم ہوا کہ زمین بھی حضور صلی اللہ علیہ وسلم کے دوست و دشمن کو پہچانتی ہے اور حضور کے حکم کے تابع ہے کہ جیسا حضور صلی اللہ علیہ وسلم نے فرمایا بالکل ویسا ہوا، ابولہب کے بیٹے عتبہ کے متعلق حضور صلی اللہ علیہ وسلم نے فرمایا کہ اسے شیر پھاڑے گا ایسا ہی ہوا کہ ایک شیر نے سب کے منہ سونگھے اس کا منہ سونگھ کر اسے پھاڑ ڈالا۔