باب : جنازے کے ساتھ چلنے اور اس پر نماز پڑھنے کا بیان - مرآۃ المناجیح شرح مشکوٰۃ المصابیح - حدیث نمبر: 1672

۱∞؎اس حدیث سے معلوم ہوا کہ جنازہ کے ساتھ پیدل چلناچاہیئے،سواری گزشتہ حدیث میں معذور کے لیے تھی لہذا احادیث میں تعارض نہیں،لنگڑا بیمارسوار ہوکر ہی جاسکتاہے۔خیال رہے کہ یہاں فرشتوں سے مراد وہ رحمت یا عذاب کے فرشتے ہیں جو مؤمن یا کافر میت کے ساتھ ہوتے ہیں ورنہ کاتبین اور حافظین فرشتے ہر انسان کے ساتھ رہتے ہیں۔اس حدیث سےمعلوم ہوا کہ حضورصلی الله علیہ وسلم کی نگاہ ہر وقت عالم غیب پر رہتی ہے،نیز یہ کہ بزرگوں کا ادب چاہیئے،نظر آئیں یا نہ آئیں،دیکھو صحابہ فرشتوں کو نہیں دیکھ رہے تھے مگر ان کو ادب کاحکم دیا گیا لہذا ذکر خیر اور میلاد کی مجلسوں میں کھڑا ہونا بہتر ہے کہ بعض بزرگوں نےحضور انورصلی الله علیہ وسلم کو ان موقعوں پر تشریف لاتے دیکھا ہے۔۲؎حضرت ثوبان نے یہ لوگوں سے خود کہا حضورصلی الله علیہ وسلم کی طرف نسبت نہ کی۔