باب : جنازے کے ساتھ چلنے اور اس پر نماز پڑھنے کا بیان - مرآۃ المناجیح شرح مشکوٰۃ المصابیح - حدیث نمبر: 1659

۱∞؎سُبْحَانَ اللّٰهِ !اس شہنشاہ کی نظر کرم اپنے ہر گدا پر ہے۔شعر
کرم سب پر ہے کوئی ہو کہیں ہو تم ایسے رحمۃ اللعالمین ہو
مرقات نے فرمایا کہ جواب عرض کرنے والے ابوبکرصدیق تھے اور اس شخص کا نام اسود تھا رضی الله عنہم اجمعین۔۲؎اس سے چند مسئلےمعلوم ہوئے:ایک یہ کہ مسجدکی خدمت بیکار نہیں جاتی۔صوفیاء کہتے ہیں کہ جو خانۂ دل کی صفائی چاہتا ہے وہ خانۂ خدا کی صفائی کیاکرے۔دوسرے یہ کہ اسلام میں کوئی حقیرنہیں،لوگوں نے غریب جان کر اس کی موت کی خبرحضورصلی الله علیہ وسلم کو نہ دی مگرغمخوار امت نے ا سکی قبر پر پہنچ کر اس کی خبر لی،امیرخسرو فرماتے ہیں۔شعر
کشتے کہ عشق دار دنگذاروت بزیں سال بجنازہ گر نہ آئی بمزار خواہی آمد
تیسرے یہ کہ بذاتِ خود ساری قبریں اندھیر ی ہیں،حضورصلی الله علیہ وسلم خود نور ہیں،آپ کی نماز اور آپ کی دعا بھی نور ہے۔جس کی قبر روشن ہوگی حضور صلی الله علیہ وسلم کی دعا سے ہوگی۔جو احتمال روشنیٔ قبر کا سبب ہیں جیسے مسجد میں روشنی کرنا وغیرہ وہ بھی حضورصلی الله علیہ وسلم کی دعا کی برکت سے ہیں۔چوتھے یہ کہ حضور صلی الله علیہ وسلم کی یہ دعائیں اپنی امت کے لیے تاقیامت باقی ہیں ورنہ حضورصلی الله علیہ وسلم کے پردہ فرمانے کے بعد ساری قبریں اندھیری رہتی ہیں۔ا شعۃ اللمعات نے یہاں فرمایا کہ یہاں صلوٰۃ بمعنی دعا ہے اسی لیے یہاں نہ تکبیروں کا ذکر ہے نہ صفیں بنانے کا،بعض لوگ ان احادیث کی بنا پر کہتے ہیں کہ نماز جنازہ کئی بار ہوسکتی ہے مگر یہ غلط ہے،ورنہ تا قیامت ہمیشہ زائرین حضورصلی الله علیہ وسلم کے روضہ پرپہنچ کر آپ کی نماز جنازہ پڑھا کرتے۔ولی کے نماز پڑھ لینے کے بعد اورکسی کو جنازہ پڑھنے کا حق نہیں دیکھو،حضورصلی الله علیہ وسلم پر دو روز تک مسلسل نمازیں ہوتی رہیں مگر جب صدیق اکبر نے جو خلیفۃ المسلمین اور ولی رسول الله صلی الله علیہ وسلم تھے آپ پر نماز پڑھ لی پھرکسی نے نہ پڑھی۔