باب: مسجدوں اورنماز کے مقامات کابیان - مرآۃ المناجیح شرح مشکوٰۃ المصابیح - حدیث نمبر: 693

۱∞؎یعنی سواءان مسجدوں کے کسی اورمسجد کی طرف اس لیے سفرکرکے جانا کہ وہاں نماز کا ثواب زیادہ ہے ممنوع ہے،جیسے بعض لوگ جمعہ پڑھنے بدایوں سے دہلی جاتے تھے تاکہ وہاں کی جامع مسجد میں ثواب زیادہ ملے یہ غلط ہے،ہر جگہ کی مسجدیں ثواب میں برابر ہیں۔اس توجیہ پرحدیث بالکل واضح ہے۔وہابی حضرات نے اسی کے معنی یہ سمجھے کہ سواء ان تین مسجدوں کے کسی اور مسجد کی طرف سفر ہی حرام ہے۔لہذا عرس،زیارت قبوروغیرہ کے لئےسفرحرام۔اگر یہ مطلب ہوتو پھرتجارت، علاج، دوستوں کی ملاقات،علم دین سیکھنے وغیرہ تمام کاموں کے لیےسفر حرام ہوں گے اور ریلوے کا محکمہ معطل ہوکررہ جائے گا اوریہ حدیث قرآن کے خلاف ہی ہوگی۔اور دیگر احادیث کے بھی،رب فرماتا ہے:"قُلْ سِيْرُوْا فِي الْأَرْضِ ثُمَّ انْظُرُوْا كَيْفَ كَانَ عَاقِبَةُ الْمُكَذِّبِيْنَ"۔مرقاۃ نے اسی جگہ اور شامی نے "زیارت قبور"میں فرمایا کہ چونکہ ان تین مساجد کے سواءتمام مسجدیں برابر ہیں اس لئےاورمسجدوں کی طرف سفر ممنوع ہے اور اولیاءاللہ کی قبریں فیوض و برکات میں مختلف ہیں،لہذا زیار ت قبور کے لیےسفرجائزکیا،یہ جہلاء انبیاءکرام کی قبور کی طرف سفربھی منع کریں گے۔