باب:نبی صلی اللہ علیہ و سلم کے گھر والوں کے فضائل رضی اللہ عنہم اجمعین - مرآۃ المناجیح شرح مشکوٰۃ المصابیح - حدیث نمبر: 6183

۱∞؎آپ کا نام جندب ابن جنادہ غفاری ہے،آپ اسلام سے پہلے ہی بڑے زاہد تھے،آپ چھٹے مسلمان ہیں،مکہ معظمہ آکر ایمان لائے،پھر حضور کے حکم سے اپنے وطن چلے گئے،پھر بعد غزوہ خندق مدینہ منورہ میں آئے،پھر خلافت عثمانیہ میں مقام ربذہ میں رہے، وہاں ہی ۳۲ھ؁ ∞ میں وفات پائی۔(مرقات)
۲؎دروازہ کعبہ اس لیے پکڑا تاکہ اس حدیث کی اہمیت سننے والوں کو معلوم ہو جاوے۔
۳؎یعنی جیسے طوفان نوحی کے وقت ذریعہ نجات صرف کشتی نوح علیہ السلام تھی ایسے ہی تاقیامت ذریعہ نجات صرف محبت اہل بیت اور ان کی اطاعت ان کی اتباع ہے،بغیر اطاعت و اتباع دعویٰ محبت بے کار ہے۔دوسری حدیث میں ہے کہ میرے صحابہ تارے ہیں تم جس کی پیروی کرو گے ہدایت پاجاؤ گے،گویا دنیا سمندر ہے اس سفر میں جہاز کی سواری اور تاروں کی رہبری دونوں کی ضرورت ہے۔الحمد ﷲ!اہل سنت کا بیڑا پار ہے کہ یہ اہلِ بیت اور صحابہ دونوں کے قدم سے وابستہ ہیں۔خوارج کے پاس کشتی نہیں روافض کی نظر ان تاروں پر نہیں یہ دونوں اس سمندر سے پار نہیں لگ سکتے۔