باب:نبی صلی اللہ علیہ و سلم کے گھر والوں کے فضائل رضی اللہ عنہم اجمعین - مرآۃ المناجیح شرح مشکوٰۃ المصابیح - حدیث نمبر: 6167

۱∞؎اس کی شرح پہلے کی جاچکی ہے کہ محبت کی بہت قسمیں ہیں: اولاد سے محبت اور قسم کی ہے،ازواج سے اور قسم کی، دوستوں سے اور قسم کی۔اولاد میں حضرات حسنین بہت پیارے ہیں،ازواج میں حضرت عائشہ صدیقہ محبوبہ محبوب رب العالمین ہیں، دوست و احباب میں حضرت ابوبکر صدیق بہت پیارےہیں لہذا احادیث میں تعارض نہیں۔
۲؎حضور انہیں کیوں نہ سونگھتے وہ دونوں تو حضور کے پھول تھے پھول سونگھے ہی جاتے ہیں،انہیں کلیجے سے لگانا لپٹانا انتہائی محبت و پیار کے لیے تھا۔اس سے معلوم ہوا کہ چھوٹے بچوں کو سونگھنا،ان سے پیارکرنا،انہیں لپٹانا چمٹانا سنت رسول الله صلی الله علیہ وسلم ہے۔
۳؎ذخائر میں ہے کہ یہ حدیث دوسری روایت میں حسن بھی ہے صحیح بھی۔(مرقات)