باب : پیدائش کی ابتداء،حضرات انبیاءکرام کا ذکر - مرآۃ المناجیح شرح مشکوٰۃ المصابیح - حدیث نمبر: 5735

۱∞؎یہ صحابہ کرام کا انتہائی ادب ہے کہ حضور انور کے سوال پر جانی پہچانی چیز کا نام بھی نہیں بتاتے کہ نہ معلوم اس سوال میں کیا راز اور اتنی ظاہر چیز کے پوچھنے میں کیا حکمت ہے ہمارے عرض کردینے سے وہ فوت نہ ہوجائے۔۲؎روایاجمع ہےراویہکی،راویہوہ اونٹنی بھی کہلاتی ہے جو زمین کو سیراب کرے اور وہ بڑی مشک بھی جس میں پانی بھرکر اونٹنی پر لاد کر لایا جاوے اور خشک زمین میں بکھیرا جاوے یہاں دونوں معنی بن سکتے ہیں۔بادل سمندر سے پانی لاتے ہیں اور ہم پر برساتے ہیں۔۳؎یعنی بارش الله تعالٰی کی نعمت عامہ ہے جو ہر شاکر و کافر کو ملتی ہے جیسے ہوا اور دھوپ۔۴؎یا تو آسمان دنیا کا نام رقیع ہے یا ہر آسمان کو رقیع کہتے ہیں،جمع ہے ارقعہ۔۵؎اس سے معلوم ہوتا ہے آسمان کا قوام پتلا ہے پانی کیطرح پھربھی گرنے بگڑنے بہہ جانے سے محفوظ ہے بغیر ظاہری سہارے کے قائم ہے صرف الله تعالٰی کی قدرت سے،پھر اس کے دروازے بھی ہیں وہ بھی اس کی طرح رقیق و پتلے ہیں جیسے خیمے کا دروازہ کپڑے کا ہوتا ہے۔۶؎یعنی چڑھتے ہوئے اتنا فاصلہ ہے جو کوئی چل کر چڑھ کر وہاں جائے تو پانچ سو سال میں پہنچے،گرنے کے متعلق وہ حدیث ہے کہ صبح کا پھینکا ہوا پتھر شام سے پہلے زمین پر آجاوے۔آج جو راکٹ وغیرہ اگر آسمان پر دو تین دن میں پہنچ جاتے ہوں تو یہ رفتار اور ہی ہے جیسے مدینہ منورہ کراچی سے پیدل سال بھر کا راستہ ہے مگر ہوائی جہاز سے صرف چار گھنٹے کا لہذا حدیث واضح ہے۔۷؎اسی طرح بیان فرمانا کہ ان دو آسمانوں کو علیحدہ بیان کیا باقی چار آسمانوں کو علیحدہ،اعلٰی درجہ کی فصاحت ہے اس طرح بات یاد بھی خوب رہتی ہے۔آسمانوں کا دل ان کی موٹائی بھی پانچ سو سال کی مسافت ہے اور دو آسمانوں کے درمیان فاصلہ بھی اتنا ہی ہے جتنا بیچ خلا ہے۔فلاسفہ کہتے ہیں کہ تمام آسمان چمٹے ہوئے ہیں جیسے پیاز کے چھلکے،یہ غلط ہے کیونکہ جو آسمان دیکھ کر آئے وہ ہر دو کے درمیان فاصلہ بتا رہے ہیں اور فلاسفر صرف اپنے اندازے سے،دیکھنے والے کا قول زیادہ قابل قبول ہے۔۸؎یہ خبر نہیں کہ وہاں اس خلا میں کیا چیز ہے،زمین و آسمان کے درمیان جو خلا ہے اس میں تو ہوا،آگ پھر نہایت ٹھنڈا طبقہ یعنی زمہریر ہے۔۹؎فلاسفر کہتے ہیں کہ عرش و کرسی بھی دو آسمان ہیں اور آسمانوں کی تعداد نو ہے مگر غلط ہے آسمان سات ہیں عرش و کرسی ان کے علاوہ ہیں،ان دونوں کی حقیقت آسمانوں کی حقیقت سے وراء ہے۔۱۰؎یعنی جتنا فاصلہ پانچ سو سال کا آسمان وزمین کے درمیان ہے اتنا ہی فاصلہ ساتویں آسمان اور عرش عظیم کے درمیان ہے وہ فاصلہ دو آسمانوں کے درمیان ہے۔۱۱∞؎یہاں نیچے سے مراد قدم کے نیچے ہے جس سے ہمارے قدم لگے ہوئے ہیں اگرچہ حضرات صحابہ جانتے تھے کہ یہ زمین ہے مگر پھر عرض یہ ہی کیا کہ الله رسول جانیں،یہ ہے اس بارگاہ کا ادب۔۱۲؎فلاسفہ کہتے ہیں کہ زمین صرف ایک ہے یا اگر سات ہیں تو ایک دوسری سے چمٹی ہوئی ہیں جیسے پیاز کے چھلکے کہ دیکھنے میں ایک ہی معلوم ہوتی ہیں مگر دو یا تین غلط ہیں،زمینیں سات ہیں اور ہر دو زمینوں کے درمیان پانچ سو سال کا فاصلہ ہے جیساکہ حضور انور صلی الله علیہ و سلم نے فرمایا،رب تعالٰی فرماتاہے:"خَلَقَ سَبْعَ سَمٰوٰتٍ وَّ مِنَ الْاَرْضِ مِثْلَہُنَّ"۔۱۳؎خیال رہے کہ تمام زمینوں کی حقیقت ایک ہی ہے یعنی مٹی مگر ساتوں آسمانوں کی حقیقتیں مختلف ہیں اس لیے قرآن مجید میںسمٰوٰتجمع ارشاد ہوتا ہے اور زمین کوالارضواحد کہا جاتا ہے لہذا یہ حدیث ان آیات کے خلاف نہیں۔۱۴؎یعنی الله تعالٰی کے ملک اس کے علم اس کی قدرت پر گرے گی،جہاں پہنچے گی وہاں الله تعالٰی ہی کا ملک و علم ہوگا،رب تعالٰی فرماتاہے: "مِنْ اَقْطَارِ السَّمٰوٰتِ وَ الْاَرْضِ فَانۡفُذُوۡا لَا تَنۡفُذُوۡنَ اِلَّا بِسُلْطٰنٍ"۔مقصد یہ ہے کہ رب تعالٰی کا ملک صرف آسمانوں میں محدود نہیں ہے ہر جگہ ہے۔علماء فرماتے ہیں کہ حضور صلی الله علیہ و سلم کو معراج آسمانی کرائی گئی وہاں بھی رب تعالٰی ہی کا کرم و نوازش تھی۔حضرت یونس علیہ السلام کو مچھلی کے پیٹ میں پہنچاکر معراج کرائی گئی وہاں بھی رب تعالٰی ہی کا کرم و نوازش تھی۔(مرقات)اسی لیے حضور انور نے اگلی آیت تلاوت فرمائی۔۱۵؎ان چاروں نام شریف کی تفسیر اسماءحسنیٰ کی شرح میں گزر چکی۔اول بمعنی قدیم ہے کہ جب کچھ نہ تھا تو وہ تھا،یہ حادث کا مقابل ہے،آخر کے معنی ہیں باقی غیر فانی،جب کچھ نہ رہے تو وہ رہے گا اس کے صفات ایسے ظاہر کہ بچہ بچہ جانے،اس کی ذات ایسی خفی کہ کوئی اسے نہ پاسکے،حضور صلی الله علیہ و سلم ارشاد فرماتے ہیںماعرفناك حق معرفتكپھر اور کا تو ذکر ہی کیا۔مولانا فرماتے ہیں شعریا خفی الذات محسوس العطاء انت کالماء ونحن کالرحی
انت کالریح ونحن کالغبار یختفی الریح وغیرہ جھارایک صوفی فرماتے ہیں؎بے حجابی یہ ہے کہ ہر ذرہ میں جلوہ آشکار اس پہ یہ گھونگھٹ کہ صورت آج تک نادیدہ ہے
یار تیرے حسن کو تشبیہ دوں کس چیز سے ایک تو دیدہ ہے اور تیرے سواء نادیدہ ہے
یا اول وہ جو سب کو پیدا فرمائے،آخر وہ جو سب کو فنا کرے،ظاہر وہ جو سب پر غالب ہو جو چاہے کرے،باطن وہ جو ہر آفت زدہ مصیبت کے مارے کی پناہ ہو اس کے ساتھ ہی وہ ہر چیز کا عالم بھی ہے۔(از مرقات)۱۶؎یہ وہ ہی شرح ہے جو ابھی ہم نے عرض کی۔الله تعالٰی کسی جگہ میں نہیں وہ جگہ سے پاک ہے جب جگہ نہیں بنی تھی وہ جب بھی تھا کہاں تھا۔معلوم ہوا کہ وہ کہاں جہاں،یہاں وہاں سے پاک ہے،ہاں اس کی سلطنت حکومت،علم قدرت ہر جگہ ہے کوئی جگہ اس کی سلطنت سے خالی نہیں۔۱۷؎اس میں اشارہ اس آیت کریمہ کی طرف ہے"ثُمَّ اسْتَوٰی عَلَی الْعَرْشِ"یعنی اس کا خاص تجلی گاہ عرش ہے اس کا پایہ تخت جہاں سے اس کے احکام جاری ہوتے ہیں وہ عرش ہے ورنہ عرش بھی اس کی جگہ نہیں،مگر خیال رکھنا کہ وہ جگہ سے تو پاک ہے مگر ملتا ہے دو جگہ یا حضور صلی الله علیہ و سلم کے پاس"لَوَجَدُوا اللہَ تَوَّابًا رَّحِیۡمًا"یا مؤمن کے دل میں مولانا فرماتے ہیں۔گفت پیغمبر کہ حق فرمودہ است من نہ گنجم ھیچ دربالاؤ پست
در دل مؤمن بہ گلنجم اے عجب گر مرا جوئی دریں دلہا طلب
ہونے اور ملنے میں بڑا فرق ہے،بلا تشبیہ بجلی کا پاور سارے تار میں ہے مگر ملتا ہے وہاں جہاں بلب ہو یہ بات بہت ہی لحاظ رکھی جاوے۔