باب : پیدائش کی ابتداء،حضرات انبیاءکرام کا ذکر - مرآۃ المناجیح شرح مشکوٰۃ المصابیح - حدیث نمبر: 5725

۱∞؎آپ کا نام یقیط ابن عامر ابن صبرہ ہے،طائف کے رہنے والے ہیں،مشہور صحابی۔۲؎عماءکے لفظی معنی ہیں ہلکا بادل جس سے سورج نظر نہ آئے مگر اس روشنی میں کمی نہ ہو۔یہاں اس سے مراد غیب ہے یعنی رب تعالٰی غیب الغیوب تھا جس کے صفات ظاہر تھے،حدیث قدسی ہےکنت کنزا مخفیا فاحببت ان اعرف۔(مرقات)حضرات صوفیاء کی اصطلاح میں عماء ذات واحدہ ہے جسے کوئی نہ جانے سوائے اس کے۔۳؎دونوں جگہمانافیہ ہے یعنی رب تعالٰی تھا اور کچھ نہ تھا حتی کہ ہوا بھی نہ تھی نہ فوقیت تھی نہ تحتیت کیونکہ اوپر نیچے ہونا جہت اور سمت سے ہوتا ہے اس وقت سمت بھی نہ تھی۔۴؎یعنی پھر الله تعالٰی نے عرش اعظم پیدا فرمایا جو پانی کے اوپر اس طرح تھا جیسے زمین کے اوپر آسمان یعنی اسے گھیرے ہوئے۔اس کی شرح ہم ابھی کرچکے ہیں یہ فرمان ہماری اس شرح کی تائید کرتا ہے۔