باب : پیدائش کی ابتداء،حضرات انبیاءکرام کا ذکر - مرآۃ المناجیح شرح مشکوٰۃ المصابیح - حدیث نمبر: 5720

۱∞؎اس وقت آپ کی بیویاں ننانوے تھیں لہذا یہاں سو سے مراد قریبًا سو ہیں،بعض روایات میں ساٹھ اور ستر بھی ہے کیونکہ بیویاں ساٹھ یا ستر تھیں باقی لونڈیاں تھیں،آپ کی کل بیویاں لونڈیاں ایک ہزار تھیں۔۲؎معلوم ہوا کہ دین کی خدمت کے لیے اولاد چاہنا اختیارکرنا سنت انبیاء ہے محض گھر کی رونق اور اپنی خدمت کی نیت نہ کرے۔۳؎آپ کی یہ بھول بھی رب تعالٰی کی طرف سے تھی تاکہ دنیا کے لیے مثال قائم ہوجاوے کہان شاءاﷲنہ کہنے کا نتیجہ یہ ہوتا ہے،ان حضرات کی بھول میں رب کی حکمتیں ہوتی ہیں۔فرشتے سے مراد الہام والا فرشتہ ہے یا آپ کے ساتھ رہنے والا فرشتہ۔۴؎یعنی ایک شب میں ان سب سے صحبت کی اس میں آپ کے دو معجزے ہیں: ایک تو جماع کی اتنی طاقت کہ قریبًا سو بیویوں سے صحبت کی۔دوسرے ایک رات میں اتنی صحبتیں ہوجانا تھوڑے وقت میں زیادہ کام۔۵؎یعنی وہ سب بیویاں حا ملہ ہوتیں جو حاملہ ہوتی سب کے لڑے پیدا ہوتے زندہ رہتے اور راہِ خدا میں جہاد کرتے۔اس سے معلوم ہوا کہ کسی کام میں اپنے پر بھروسہ نہ کرے رب تعالٰی پر توکل کرے توان شاءاﷲکامیابی ہوتی ہے،آئندہ کام پران شاءاﷲضرور کہے اور گزشتہ کام پران شاءاﷲکہنا برکت کے لیے درست ہے جیسےان شاءاﷲمیں مسلمان ہوں یعنی الله کے فضل سے میں مؤمن ہوچکا ہوں۔